471 Yaatri Lekar 30 May Se Udega Super Janbo

Business »

471 Yaatri Lekar 30 May Se Udega Super Janbo

vishesh samvaadadaata, nai Delhi Singapore airlines ne ailaan kiya hai ki 30 May se Delhi-Mumbai sector par pehli baar eyarabas A 380 vimaan service shuroo karegi. Yeh aisa janbo vimaan hai, jismein 471 passenger safar kar sakte hain. Filhaal is saaij ka vimaan kisi bhi bhaarateeya ghareloo airlines ke paas naheen hai. Maana ja raha hai ki isse Indian eviyeshan companiyon ko badi chunauti mil sakti hai. Yahi naheen, iska asar kiraae par bhi najar aa sakta hai. Is saal January mein hi A 380 vimaan ko Bhaarat ke chuninda havaai addon tak chalaane ki manjoori di gayi thi. Jin eyaraports par ye vimaan utaare ja sakte hain, unamein Delhi, Mumbai, Bengaluru aur Hyderabad shaamil hain. Is manjoori ke takareeban 4 maheene baad Singapore airlines, pehli aisi airlines hai, jisne in vimaanon ko Delhi, Mumbai sector par udaane ka ailaan kiya hai. 10 feesadi diskaaunt bhi airlines ne shuruaat mein paiseinjaron ko lubhaane ke liye 10 feesadi diskaaunt dene ka bhi ailaan kiya hai. Iske alaava yeh airlines ab first class ka naya kaunsept bhi lekar aa rahi hai. Ab tak vimaanon mein business aur ikaunami class hi hote hain, lekin yeh airlines teesari kaitigri first class suits bhi la rahi hai. Eviyeshan sector ke eksapart harshavardhan ke mutaabik, 'Singapore airlines ke is kadam ka do tarah se asar hoga. Ek to ghareloo sector par nai airlines ke aane paiseinjaron ka kuchh hissa is airlines ki or bhi jaaega. Doosra asar yeh hoga ki choonki iske vimaan mein ek saath 471 seatein upalabdh hongi, isliye is sector par traffic ka dabaav kam hoga. Jiska asar kiraae par padega. Bade vimaan ke saath seatein bhi badh jaaengi. '

471 Yaatri Lekar 30 May Se Udega Super Janbo http://www.angrejinews.com/pic/49894