41 Ke Hue Sachin Tendulkar, Vote Dekar Ki Janmadin Ki 'Shaanadaar Shuruaat

Breaking »

41 Ke Hue Sachin Tendulkar, Vote Dekar Ki Janmadin Ki 'Shaanadaar Shuruaat

Mumbai: duniya ke sarvakaalik mahaanatam cricketeron mein shumaar kiye jaane vaale tatha desh ke sarvochch naagrik puraskaar 'Bhaarat ratn' se sammaanit kiye ja chuke 'Master blaastar' sachin Tendulkar aaj 41 baras ke ho gaye, aur unhonne apne janmadin ki 'Vandaraful' shuruaat gruhanagar Mumbai mein vote daalkar ki. janmadin manaane aur Loksabha chunaav 2014 ke dauraan vote daalne ke liye sanyukt arab ameeraat (yooei) mein jaari Indian Premier league (IPL) ke shuruaati charan se lautakar sachin Tendulkar ne guruvaar ko vote daala, aur ek tasveer ke saath apne account (@sachin_rt) se tweet kiya, "Mainne vote daal diya hai. . . Kya aapne vote diya. . . ? Hamaare mahaan desh ke ek jimmedaar naagrik ke roop mein yeh mere janmadin ki shaanadaar shuruaat hai. . . " ("I have voted, have you? A wonderful start to my birthday, as a responsible citizen of our great nation. ") sachin Tendulkar do din pehle yooei se laute hain aur unke kareebi sootron ke anusaar vah apna janmadin parivaar aur mitron ke saath shahar mein hi manaaenge. Cricket ke har praaroop ko alvida kehne ke baad yeh sachin Tendulkar ka pehla janmadin hai, kyonki unhonne November, 2013 mein vest indeej ke khilaaf Wankhede stadium par apna 200vaan test match khelne ke baad cricket se poori tarah vida le li thi. bhaarateeya cricket niyantran board (BCCI) ne unki vidaai ke liye aanan-faanan is shrunkhala ka aayojan kiya tha, jismein khachaakhach bhare stadium ne unhein bhaavabheeni vidaai di thi. Sachin Tendulkar ne apne antararaashtreeya career mein test cricket mein 15,921 aur 463 van-de international maichon mein 18,426 run banaae. Vah antararaashtreeya shatakon ka shatak jamaane vaale duniya ke ekamaatr ballebaaj hain. varsh 2011 mein cricket vishwacup jeetne waali bhaarateeya team ke sadasya rahe sachin Tendulkar sannyaas ke baad kam hi dikhaai diye hain. Unhonne haal hi mein IPL shaili ki football league mein ek team khareedi hai. Vaise sachin Tendulkar bhaarateeya sansad ke uchch sadan Rajyasabha ke sadasya bhi hain, aur vah Indian super league mein kochchi team ke sanyukt maalik bhi hain. Unhonne kaha tha, "Main dil se hamesha khilaadi hi rahoonga, jo desh mein khelon par sakaaraatmak prabhaav daalne ko bekaraar hai. . . Indian super league yuvaaon ke liye seekhane aur behatareen khilaadi ke roop mein nikhrane ka sunahara mauka hai. . . " sachin Tendulkar July mein England ravaana honge, jahaan unhein shesh vishv ekaadash ke khilaaf merilbon cricket club ki kaptaani karni hai. Shesh vishv ekaadash ke kaptaan poorv Australiaee leg-spinner Shane vaurn hai, aur yeh match 5 July ko 'Cricket ka makka' kahe jaane vaale laurds ke maidaan par khela jaaega.

41 Ke Hue Sachin Tendulkar, Vote Dekar Ki Janmadin Ki 'Shaanadaar Shuruaat http://www.angrejinews.com/pic/48452