2ji Spectrum Maamala Adaalat Ne A Raaja Ka Bayaan Darj Kiya

Business »

2ji Spectrum Maamala Adaalat Ne A Raaja Ka Bayaan Darj Kiya

nai Delhi Delhi ki ek adaalat ne 2ji spectrum aavantan maamale mein mukhya aaropi poorv doorasanchaar mantri A raaja ka bayaan darj kiya hai. CBI ke vishesh nyaayaadheesh O. Pi. Saini ne bayaan darj karne se pehle kaha ki yeh aaropi aur judge ke beech 'Seedhi baatcheet' hai. Judge ne kaha, 'Ab aaropi ka bayaan darj kiya jaaega. Yeh aaropi aur nyaayaadheesh ke beech seedhi baatcheet hai. Aaropi uttar dena ya naheen dena chun sakte hain. ' raaja aur DMK saansad kanimojhi ke alaava 15 anya aaropiyon ke bayaan darj karne ki taiyaari us samay shuroo ho gayi thi jab adaalat ne aaropiyon ko 824 prushth ki prashnaavali ka ek masauda diya tha jismein 1,718 prashn shaamil the. Is beech vishesh adaalat ko 2ji spectrum ghotaale ki jaanch se saamane aae ek maamale mein aaropi essaar samooh aur loop telecom ke pravartakon ke bayaan bhi darj karne the lekin adaalat ne kaha ki vah unke bayaan 19 May ko darj karegi. Judge ne kaha, 'Mujhe lagta hai ki aaj aapke liye samay naheen bachega. Aaropiyon ke bayaan darj karne ke liye is maamale ko 19 May tak ke liye sthagit kiya jaata hai. ' is maamale mein teen farmon loop telecom limited, loop mobile India limited aur essaar teliholding limited ke saath essaar samooh ke pravartak ravi ruiya aur anshuman ruiya, loop telikaum ki pravartak kiran khetaan aur unke pati I. Pi. Khetaan va essaar samooh ke nideshak vikaas sarraaf aaropi hain. In sabhi ne 2ji spectrum ghotaale ki jaanch se saamane aae maamale mein CBI dvaara lagaae gaye aaropon ka khandan kiya hai. Adaalat ne raaja aur 16 anya aaropiyon vaale maamale mein mukhya jaanch adhikaari CBI ke police adheekshak vivek priydarshi ka bayaan samaapt hone ke saath hi pichhle varsh 27 November ko abhiyojan paksh ke bayaan darj kar liye the.

2ji Spectrum Maamala Adaalat Ne A Raaja Ka Bayaan Darj Kiya http://www.angrejinews.com/pic/49626