21 June Saal Ka Sabse Bada Din, Parachhaai Bhi Chhod Deti Hai Saath

Breaking »

21 June Saal Ka Sabse Bada Din, Parachhaai Bhi Chhod Deti Hai Saath

Ek saal mein 365 din hote hain, lekin ek din yaani 21 June saal ka sabse bada din hota hai. Is din Bhaarat sahit poore uttari golaarddh mein sthit sabhi deshon mein din bada aur raat chhoti hoti hai. Ek pal aisa bhi aata hai jab parachhaai tak gaayab ho jaati hai. Is din ko greeshm ayanaant bhi kehte hain. Aaie aapko bataate hain is din se judi kuchh khaas baatein. . . 21 June ko saal ka sabse bada din kyon? Daraasal, is din sooraj uttari golaarddh se chalakar Bhaarat ke madhya se gujri kark rekha mein aa jaata hai. Isliye soorya ki kirnein jyaada samay tak dharati par padti hain. Yahi vajah hai ki 21 June ko din bada aur raat chhoti hoti hai. Pruthvi ki yeh saamaanya prakriya hai. Pruthvi soorya ka chakkar lagaane ke saath apne aksh par bhi ghoomti hai. Vah apne aksh mein 23.5 degree jhuki hui hai. Iski vajah se sooraj ki roshani dharati par hamesha ek jaisi naheen padti aur din raat ki avadhi mein antar aata hai. 21 June ke din dopahar mein sooraj bahut oonchaai par rahega. Iske baad 21 September ke aaspaas din va raat ki avadhi baraabar ho jaati hai. Iske baad din ke mukaabale raat badi hone lagti hai. Yeh prakriya 23 December tak jaari rahati hai. Is din ki raat saal ki sabse lambi hoti hai, jabki din sabse chhota hota hai. Parachhaai ho jaaegi gaayab? Ji haan, 21 June ko kuchh pal ke liye parachhaai bhi saath chhod deti hai. Yeh tab hota hai jab sooraj theek kark rekha ke oopar hota hai. Is din kareeb 15 se 16 ghante tak soorya ki roshani dharati par padti hai. Dakshini golaarddh mein hota hai ulat Yeh chakr vaarshik hai aur dakshini golaarddh mein theek iska ulata hota hai. Jahaan uttari golaarddh mein rah rahe logo ke liye 21 June ko garmi ki shuruaat kaha jaata hai, vaheen dakshini golaarddh mein rah rahe logo ke liye ye sardi ki shuruaat maani jaati hai. Sirf 21 June ko hi naheen hota aisa 21 June ko yoon to saalon se sabse bada din maana jaata hai lekin har jagah aisa ho yeh jaroori naheen hai. Yeh 20 June, 21 June aur 22 June mein se kisi bhi din ho sakta hai, jismein 22 June ko durlabh hota hai. Pichhli baar saal 1975 mein 22 June ko saal ka sabse bada din raha tha aur ab 2203 mein aisa hoga. Aapko bata dein ki saal ka sabse bada din hone ki vajah se hi pradhaanamantri Narendra Modi ne 21 June ko antararaashtreeya yog diwas ke roop mein manaane ke liye chuna tha.

21 June Saal Ka Sabse Bada Din, Parachhaai Bhi Chhod Deti Hai Saath http://www.angrejinews.com/pic/210583