2013-14 Mein Aarthik Vikaas Dar 6.7 Feesadi Krisil

Business »

2013-14 Mein Aarthik Vikaas Dar 6.7 Feesadi  Krisil

Nai Delhi: Shodh aur research agency krisil ne Budhvaar ko ek report mein kaha ki Bhaarat ki aarthik vikaas dar 2013-14 mein 6.7 feesadi rah sakti hai. Research aur rating agency ne kaha ki saamaanya monsoon ke kaaran krushi mein teji, byaaj dar mein giraavat aur adhik sarkaari kharch ke kaaran arthavyavastha ka vikaas hoga. Krisil ke prabandh nideshak aur mukhya kaaryakaari adhikaari roopa kudava ne report mein kaha, "2013-14 mein Bhaarat ke sakal ghareloo utpaadan (GDP) vikaas ko niji kshetr khapat mein teji se sahayog milega aur ismein krushi ka tej vikaas, adhik sarkaari kharch aur kam byaaj daron se bhi sahayog milega. " Report ke mutaabik mahangaai dar 1 April se shuroo hone vaale kaarobaar saal mein ghatkar saat feesadi par aa jaaegi, jiske maujooda kaarobaari saal mein 7.7 feesadi rahane ka anumaan hai. Krisil ne anumaan jataaya ki agale kaarobaar saal mein mahangaai dar kam hone ke kaaran bhaarateeya reserve bank byaaj daron mein 75 se 100 aadhaar ankon ki katauti kar sakti hai. Isse khudara byaaj dar bhi ghategi aur byaaj dar se prabhaavit hone vaale kshetron mein teji aaegi. Report ke mutaabik sarkaar ke kalyaanakaari kharch mein vruddhi, byaaj daron mein giraavat, mahangaai ghatne aur krushi upaj badhne se parivaaron ki kharch karne ki kshamata badhegi aur iska laabh upabhokta tikaaoo vastu, hotel tatha restaurant aur vitteeya seva kshetr ko milega. Report mein aage kaha gaya, "Vaishvik arthavyavastha mein thoda sudhaar aane ke kaaran videshi maang badhne se desh ka niryaat badh sakta hai, khaaskar soochana praudyogiki aur soochana praudyogiki aadhaarit kshetron mein. Isliye hamaari ummeed hai ki agale kaarobaari saal mein seva kshetr ka aath feesadi ki gati se vikaas hoga. " Report ke mutaabik 2013-14 mein krushi vikaas dar 3.5 feesadi rah sakti hai.

2013-14 Mein Aarthik Vikaas Dar 6.7 Feesadi Krisil http://www.angrejinews.com/pic/277