nyaayapaalika

nyaayapaalika (Judiciary ya judicial system ya judicature) kisi bhi jantantra ke teen pramukh angon mein se ek hai. anya do ang hain - kaaryapaalika aur vyavasthaapika. nyaayapaalika, sanprabhutaasampann raajya ki taraf se kaanoon ka sahi arth nikaalati hai evam kaanoon ke anusaar na chalne vaalon ko dandit karti hai. is prakaar nyaayapaalika vivaadon ko sulajhaane evam aparaadh kam karne ka kaam karti hai jo apratyaksh roop se samaaj ke vikaas ka maarg prashast karta hai. shaktiyon ke pruthakkaran ke siddhaant ke anuroop nyaayapaalika swayam koi niyam naheen banaati aur na hi yeh kaanoon ka kriyaanyavan karaati hai.

sabko samaan nyaaya sunishchit karna nyaayapaalika ka asli kaam hai. nyaayapaalika ke antargat koi ek sarvochch nyaayaalaya hota hai evam uske adheen vibhinn nyaayaalaya (court) hote hain.

anukram

bhaarateeya nyaayapaalika

Bhaarat ki svatantr nyaayapaalika ka sheersh sarvochch nyaayaalaya hai, jiska pradhaan pradhaan nyaayaadheesh hota hai. sarvochch nyaayaalaya ko apne naye maamalon tatha uchch nyaayaalayon ke vivaadon, dono ko dekhne ka adhikaar hai. Bhaarat mein 24 uchch nyaayaalaya hain, jinke adhikaar aur uttaradaayitv sarvochch nyaayaalaya ki apeksha seemit hain. nyaayapaalika aur vyavasthaapika ke paraspar matabhed ya vivaad ka sulah raashtrapati karta hai.

raajya nyaayapaalika

raajya nyaayapaalika me teen prakaar ki peethein hoti hain-

ekal jiske nirnaya ko uchch nyaayaalaya ki diveejanal/khandapeeth/sarvochch nyaayaalaya me chunauti di ja sakti hai

khand peeth 2 ya 3 judgeon ke mel se bani hoti hai jiske nirnaya keval uchchatam nyaayaalaya mein chunauti pa sakte hain

samvaidhaanik/ful bench sabhi samvaidhaanik vyaakhya se sanbadhit vaad is prakaar ki peeth sunati hai isame kam se kam paaainch judge hote hain

adheenasth nyaayaalaya

is star par civil aaparaadhik maamalon ki sunavaai alag alag hoti hai is star par civil tatha session court alag alag hote hai is star ke judge saamaanya bharti pareeksha ke aadhaar par bharti hote hai unki niyukti raajyapaal raajya mukhya nyaayaadheesh ki salaah par karta hai
fast trek court – ye atirikt satr nyaayaalaya hai inak gathan deerghaavadhi se lambit aparaadh tatha under trial vaadon ke teevrata se niptaare hetu kiya gaya hai
ye atirikt satr nyaayaalaya hai inak gathan deerghaavadhi se lambit aparaadh tatha under trial vaadon ke teevrata se niptaare hetu kiya gaya hai
iske peechhe kaaran yeh tha ki vaad lamba chalne se nyaaya ki kshati hoti hai tatha nyaaya ki nirodhak shakti kam pad jaati hai jail me bheed badh jaati hai 10 ve vitt aayog ki salaah par kedr sarkaar ne raajya sarkaaron ko 1 April 2001 se 1734 fast trek court gathit karne ka aadesh diya atirikt session judge yaaain unche pad se sevaanivrut judge is prakaar ke korto me judge hota hai is prakaar ke korto me vaad lambit karna sambhav naheen hota haihar vaad ko nirdhaarit smaya me niptaana hota hai
aalochna 1. nirdhaarit sankhya me gathan naheen hua
2. vaadon ka nirnaya sankshipt dhaing se hota hai jismein abhiyukt ko raksha karne ka poora mauka naheen milta hai
3. nyaayadheeshon hetu koi seva niyam naheen hai

lok adaalat

lok adaalatein niyamit court se alag hoti hain. paden ya sevaanivrut judge tatha do sadasya ek saamaajik kaaryakata, ek vakeel iske sadasya hote hai sunavaai keval tabhi karti hai jab donon paksh iski sveekruti dete hon. ye beema daavon kshatipoorti ke roop vaale vaadon ko nipta deti hai
inke paas vaidhaanik darja hota hai vakeel paksh naheen prastut karte hain

inke laabh

1. nyaayaalaya shulk naheen lagte
2. yahaaain prakriya sanhita/saakshya act naheen laagoo hote
3. donon paksh nyaayadheesh se seedhe baat kar samjhaute par pahuchain jaate hai
4. inke nirnaya ke khilaaf appeal naheen la sakte hai

aalochanaaeain

1. ye niyamit antaraal se kaam naheen karti hai
2. jab kabhi kaam pe aati hai to bina sunavaai ke badi maatra me maamale nipta deti hai
3. janta lok adaalaton ki upasthiti tatha laabhon ke prati jaagruk naheen hai

inhein bhi dekhein

baahari kadiyaaain