Bhaarat ke pradhaan mantri

Bhaarat ka pradhaanamantri (Prime Minister of India) Bhaarat sarkaar ka mukhiya, Bhaarat ke raashtrapati ka mukhya salaahakaar, mantriprishd ka mukhiya, tatha Loksabha mein bahumat vaale dal ka neta hota hai. vah Bhaarat sarkaar ke kaaryapaalika ka netrutv karta hai.vah kisi bhi dharm ya jaati ka ho sakta hai

Narendra Modi Bhaarat ke vartamaan pradhaanamantri hain.

parichay

bhaarateeya samvidhaan ke anuchhed 74 mein spasht roop se mantriprishd ki adhyakshata tatha sanchaalan hetu pradhaanamantri ki upasthiti aavashyak maanata hai. usaki mrutyu ya tyaagapatr ki dasha me samast parishad ko pad chhodana padata hai. vah akele hi mantri parishad ka gathan karta hai. raashtrapati mantrign ki niyukti usaki salaah se hi karte hain. mantri gan ke vibhaag ka nirdhaaran bhi vahi karta hai. cabinet ke kaarya ka nirdhaaran bhi vahi karta hai. desh ke prashaasan ko nirdesh bhi vahi deta hai. sabhi neetigat nirnaya vahi leta hai. raashtrapati tatha mantri parishad ke madhyasanpark sootr bhi vahi hai. mantriprishd ka pradhaan pravakta bhi vahi hai. vah parishad ke naam se ladi jaane waali sansadeeya bahason ka netrutv karta hai . sansad me parishad ke paksh me ladi ja rahi kisi bhi bahas me vah bhaag le sakta hai. mantri gan ke madhya samanvaya bhi vahi karta hai. vah kisi bhi mantraalaya se koi bhi soochana mangava sakta hai. in sab kaaranau ke chalte pradhaanamantri ko Bhaarat ka sabse mahattvapoorn raajanaitik vyaktitv maana jaata hai.

inhein bhi dekhein