Bade Bhaai Ki Laathiyon Se Peet-peetakar Hatya

Bade Bhaai Ki Laathiyon Se Peet-peetakar Hatya

India »

ek samvaadadaata . Jeend kharainti gaanv mein ravivaar raat sharaab ke nashe mein ek vyakti ne apne bade bhaai ko laathiyon se peet-peetakar maar daala. Vaaradaat se thoda pehle donon bhaai ghar par ekasaath sharaab pi rahe the. Aaropi vyakti ghatna ko anjaam dekar mauke se faraar ho gaya. Ranadheer (50) ravivaar raat ko apne chhote bhaai rohataash ke saath ghar par hi sharaab pi raha tha. Kaafi der tak sharaab peete rahane ke baad donon hi nashe mein dhutt ho gaye. Isi dauraan kisi baat ko lekar donon mein kahaasuni ho gayi. Thodi hi der baad rohataash ghar se laathi laaya aur ranadheer par hamla kar diya. Rohataash apne bade bhaai ranadheer ko tab tak peetata raha jab tak vah besudh ho gaya. Baad mein parivaar ke anya sadasya mauke par pahunch gaye aur beech bachaav karke use chhudvaaya. Use ilaaj ke liye najadeek ke aspataal mein bharti karaaya gaya, jahaan doctoron ne ranadheer ko mrut ghoshit kar diya. Maamale ki soochana milne par police mauke par pahunchi aur mrutak ke shav ko apne kabje mein le liya. Somvaar subah police ne mrutak ka saamaanya aspataal mein postmortem kara parijanon ko saunp diya. Police ne shikaayat par rohataash ke khilaaf hatya ka maamala darj kar chhaanabeen shuroo kar di. Aaropi vyakti ghatna ko anjaam dekar mauke se faraar ho gaya. Police aaropi ki giraftaari ke liye chhaapaamaari kar rahi hai.


Police Ki Pitaai Se Yuvak Ki Maut Bavaal

Police Ki Pitaai Se Yuvak Ki Maut Bavaal

India »

bhaasha . Gazipur/Lucknow uttar pradesh mein Gazipur jile ke jangeepur kshetr mein kathit roop se police ki pitaai se ek yuvak ki maut se naaraaj logon somvaar ko jamkar bavaal kaata. Gussaae logon ne ek police chauki mein aagajani aur todfod ki. Is maamale mein sambandhit thaanaadhyaksh ke khilaaf gair iraadatan hatya ka mukadama darj kiya gaya hai. Poochhataachh ke baad tabiyat bigdi police sootron ne Gazipur mein bataaya ki hansaraajapur police chauki ke paas sthit naseerapur gaanv ki 13 saal ki ek ladki 20 saal ke ek ladke ke saath kaheen chali gayi thi. Baalika ke parijan ne sthaaneeya nivaasi ghanashyaam par is maamale mein haath hone ka iljaam lagaaya tha. Iske baad police us yuvak ko poochhataachh ke liye le gayi thi. Police ka kehna hai ki baad mein use chhod diya gaya tha. Unhonne bataaya ki ravivaar raat ghar lautane par ghanashyaam ki tabeeyat kharaab ho gayi. Usaki naajuk haalat ko dekhte hue usaki maan use aspataal le gayi, jahaan ilaaj ke dauraan usaki maut ho gayi. Pradarshan aur vaahanon ko foonka sootron ne bataaya ki yuvak ki maut se naaraaj logon ne somvaar ko shav ko lekar hansaraajapur chauki ke paas pradarshan shuroo kar diya. Gussaae graameenon ne chauki mein khade police ke vaahanon ko kshatigrast kar foonk diya. Sootron ke mutaabik ugr logon ne chauki parisar sthit ek jhopadi mein aur baahar khadi dullaapur ke thaanaadhyaksh ke jeep mein aag laga di. Police ke bal prayog ke baad haalaat kaaboo mein kiye ja sake. Gair iraadatan hatya ka case is beech, police mahaanireekshak Rajkumar vishvakarma ne Lucknow mein samvaadadaataaon ko bataaya ki is maamale mein jangeepur ke thaanaadhyaksh aasheesh mishra ke khilaaf gair iraadatan hatya ka mukadama darj kiya gaya hai. Vishvakarma ne bataaya ki 25 April ko poochhataachh ke liye bulaae jaane par ghanashyaam apne parivaar ke logon ke saath jangeepur thaane par gaya tha. Ravivaar ko use fir poochhataachh ke liye bulaaya gaya tha, lekin thaanaadhyaksh ke naheen milne par poochhataachh naheen ho saki thi. Ravivaar raat ghanashyaam ki tabeeyat kharaab hone ke baad usaki maut ho gayi. Unhonne bataaya ki ghanashyaam ke shav ka doctoron ke panel se postmortem karaaya ja raha hai. Usaki report aane ke baad agar maamala police ki pitaai se maut ka saabit hota hai to sambandhit anya policekarmiyon ke khilaaf kaarravaai ki jaaegi. Police bal tainaat raajya ke upper police mahaanideshak ( law end order ) arun Kumar ne Lucknow mein samvaadadaataaon se kaha ki filhaal sthiti tanaavapoorn lekin niyantran mein hai. Mauke par bhaari sankhya mein police bal aur PAC ke javaanon ki tainaati ki g E hai.


Kendra Sarkaar Ke Khilaaf Varun Gandhi Deinge Dharana

Kendra Sarkaar Ke Khilaaf Varun Gandhi Deinge Dharana

India »

vishesh samvaadadaata . Lucknow kendra ki UPA sarkaar ke kathit taur par roj nae-nae ghotaalon aur unhein chhipaane ke liye apanaae ja rahe hathakandon ko benakaab karne liye BJP ne nai rananeeti taiyaar ki hai. Party mahaasachiv varun Gandhi chaar May ko UPA sarkaar ke virodh mein Lucknow mein dharana deinge. Isi din BJP Loksabha chunaav mein UP ke sambhaavit ummeedavaaron ko lekar manthan karegi. Ummeedavaaron ka chayan kar use party netrutv ko bheja jaaega. Party ke raajya pravakta vijay bahaadur paathak ne bataaya ki senior netaaon ki ek baithak chaar May ko hogi, jismein aagaami Loksabha chunaav ki rananeeti par charcha ke saath hi party ke sambhaavit ummeedavaaron ke baare mein vichaar vimarsh kiya jaaega. Paathak ne bataaya ki kendra ki UPA sarkaar ki or se kiye ja rahe ghotaalon mein SP evam BSP bhi baraabar ki jimmedaar hai, kyonki inheen ke samarthan ke chalte UPA sarkaar chal rahi hai. UPA ki galat neetiyon ke kaaran aam janta mahangaai ke bojh se behaal hai. Inheen sab muddon ko lekar BJP sadkon par utaregi aur corruption ke maamalon ko ujaagar karegi.


Cheeni Sena Ne Laddakh Mein Gaada Ek Aur Tanboo

Cheeni Sena Ne Laddakh Mein Gaada Ek Aur Tanboo

India »

nai Delhi. . Cheeni sainikon ne Laddakh ke daulat beg oldi (deebeeo) sector mein ek aur teint khada kar liya hai, jisse ghuspaith vaale sthaan par aise dhaanchon ki sankhya badhkar paanch ho gayi hai. Cheeni sainikon ne suraksha aur chaukasi ke liye khoonkhaar molosar kutte bhi tainaat kar diye hain. Bhaarateeya had mein cheeni sainikon ki ghuspaith ko lekar jaari gatirodh ka raasta cheen ki shart ne rok rakha hai. Cheen chaahata hai ki Bhaarat vaastavik niyantran rekha (elaesi) par bani apni kuchh rananeetik chaukiyon ko hataae. Sarkaar mein cheen ki is maang par manthan chal raha hai. Cheeni sainikon ki ghuspaith ko pehli baar 15 April ko Bhaarat-Tibet seema police ne dekha tha. Iske baad Bhaarat ki or se vibhinn staron par yah masala uthaaya gaya, lekin cheen ne kisi tarah ki ghuspaith se saaf inkaar kiya hai. Is tarah is masale par donon deshon ke beech do saptaah se gatirodh hai. Donon deshon ke beech 18 aur 23 April ko flaig meeting ho chuki hai, par samaadhaan naheen nikla. Yahaan mili jaankaari ke mutaabik, cheen ne nae teint Laddakh mein burtse se 70 kilometer dakshin mein gaade hain. In teinton par cheeni sena ne angreji mein likha hai ki aap cheen ke ilaake mein hain. Sootron ne bataaya ki cheeni sainik AK esault raaifalon se lais hain. Sootron ke mutaabik cheeni sena ne ye atirikt teint do flaig meeting ke benateeja hone ke baad lagaae hain. Haalaanki, gatirodh abhi tak shaantipoorn hai. Donon paksh ek-doosare ko vaapas lautane ka banner dikhaate hue jame hue hain. Maana ja raha hai ki raaki naala ilaake mein 50 cheeni sainik hain. Cheeni faujiyon ke saath na keval gaadiyaan hain, balki vivaadit sthal se 25 kimi door sthit sthaayi chauki se gaadiyon ki aavaajaahi bhi ho rahi hai. Cheen bhaarateeya kshetr se apne sainikon ko hataane ke koi sanket naheen day raha hai. Sootron ne kaha ki ghuspaith par gatirodh khatm karne ke prayaason ke koi parinaam saamane naheen aa rahe hain. Aisa isliye hai, kyonki cheen is jid par ada huaa hai ki Bhaarat un chaukiyon ko dhvast kare jiska nirmaan usane saamarik drushti se mahatvapoorn morche par kiya hai. Sootr bataate hain ki cheen ka etaraaj mukhya roop se jis bhaarateeya chauki ko lekar hai, vah poorvi Laddakh mein do pahaadiyon ke beech hai. Iski ahamiyt ka andaaja is baat se bhi lagaaya ja sakta hai ki yahaan se cheen ki or ka bada ilaaka bhaarateeya sena ki najar mein aata hai. Chauki najar mein aane ke baad cheen ne ise 1996 mein donon deshon ke beech sainya kshetr mein vishvaas bahaali ke upaayon ke vipreet bataate hue etaraaj jataaya tha. Sootron ne bataaya ki sarkaar is mudde par raashtreeya suraksha salaahakaar shivshankar Menon ke netrutv vaale China stadi group aur raksha, gruh aur videsh mantraalaya sahit pramukh mantraalayon ke sachivon ki baithakon par najar rakhe hue hai. Is vishay par vibhinn mantralaya aur sena se bhi rai mashavira kiya ja raha hai. Haalaanki, cheen ki shart ko lekar abhi tak koi faisala naheen ho paaya hai. Sarkaar aur vipaksh aamne-saamane cheeni ghuspaith se nibatne ko lekar vipaksh ke kendra sarkaar par hamle ke beech videsh mantri Salman khursheed ne somvaar ko kaha ki yah apna mahatva jataane ka naheen, balki ek svar mein aavaaj buland karne ka samay hai. Khursheed ne kaha, 'Desh ko saaf sanket dena chaahiye ki ham ek svar mein bolte hain. Sarkaar vah karegi jo raashtra hit mein sarvashreshth hai aur mujhe lagta hai ki hamein kuchh bhi jaroorat se jyaada naheen bolna chaahiye. ' bhaarateeya janta party ne maang ki ki sarkaar cheen ghuspaith ke maamale par apna rukh aur sthiti saaf kare aur yah bhi bataae ki yah cheeni ghuspaith hai ya cheen ki sena ka koi niyamit abhyaas. BJP ne kaha ki sarkaar ke kai mantri yah bayaan day rahe hain ki cheeni sainikon ka Bhaarat ki seema mein ghuspaith saamaanya-si baat hai. Party ki pravakta meenaakshi lekhi ne media se kaha ki sarkaar ko yah bataana chaahiye ki aakhir is ghuspaith ki asaliyt kya hai.


Sasta Air Tikt. . . Mahanga Padega

Sasta Air Tikt. . . Mahanga Padega

India »

pramukh samvaadadaata. Nai Delhi sasta air tikt aapko baad mein mahanga bhi pad sakta hai. Aisa isliye hai, kyonki safar ke dauraan aap jin sahooliyton ka istemaal karna chaahate hain, unke baare mein aapko pehle hi bataana hoga. Yahi naheen, iske liye alag keemat bhi tay karni hogi. Inmein check-in-baigej chaarj aur khaane-peene ki suvidhaaen bhi shaamil hai. Chaahein to koi suvidha na lein yaatriyon ke paas yah bhi vikalp hoga ki ki saste yaatra tikt ke saath aur kisi tarah ki sahooliyt na lein. Eviyeshan ministri ne kaha hai ki is faisale ka maksad jahaan yaatriyon ko kam kiraae ki suvidha dena hai vaheen un logon ko bhi ek achha opshan dena hai, jo jyaada paise dekar behtar suvidhaaen lena chaahate hain. Sabhi airlines ko diye gaye nirdesh mein kaha gaya hai ki ki ve jin service ke badle atirikt keemat vasooleinge us baare mein saaf-saaf bataaenge. Inki har jaankaari pablik domene mein rakheinge. Saath hi yaatriyon ko apni jaroorat aur pasand ke hisaab se koi bhi service chunane ya chhodne ka hak hoga. In sevaaon ke tairif ka ailaan baad mein hoga. Box kis sahooliyt par ekstra chaarj 1. Pasandeeda seat 2. Khaana, naashta, drink-paani ko chhodkar 3. Airlines launj ke liye 4. Baigej ke check-in karne par 5. Khel se jude instoomeints le jaane par 6. Myoojik instroomeint le jaane par (chhah maheene baad eviyeshan ministri is list ko review karegi) inaset baileins banaane ki koshish eviyeshan industry lo fair tikt aur airlines ki khasta haalat donon vajahon se charcha mein rahi. Aise mein eviyeshan mantraalaya ne donon ke beech santulan banaane ki koshish hai. Iska maksad yah hai ki yaatriyon ke paas saste safar ka mauka rahe aur airlines ko atirikt kamaai ho. Eviyeshan eksaparts ke mutaabik, sarkaar ki nai gaaidalaains ka faayda yaatriyon aur airlines donon ko mil sakta hai. Sevaaon ke badle atirikt keemat lene ki vajah se ve nyoonatam tikt ki dar mein aur kami kar sakte hain. Eviyeshan mantraalaya ne bhi apne bayaan mein kaha ki is nai tikt yojana se airlines ko kam faayde mein ek tikaaoo service banaae rakhane mein madad milegi.


2ji Ki Report Naheen Badaleinge Chaako

2ji Ki Report Naheen Badaleinge Chaako

India »

pras. Nai Delhi : Tooji maamale mein sanyukt sansadeeya samiti (JPC) ki draft report ko khaarij kiye jaane ki vipakshi sadasyon ki maang ke beech JPC ke adhyaksh PC chaako ne somvaar ko kaha ki vah asahamati patron ke roop mein sadasyon ke sanshodhan lene ko taiyaar hain. Chaako ne patrakaaron se kaha ki ve report ke sabhi 10 binduon par charcha karne ko taiyaar hain, lekin vishyavastu naheen badli ja sakti. Unhonne kaha ki vipaksh ki maangon ko asahamati patron ke taur par liya ja sakta hai. Unhonne kaha ki JPC ke 15 sadasyon ki unhein hataane ki maang ke baad vah Loksabha adhyaksh meera Kumar se milne gaye the taaki samiti ki baithak bulaane par saaf nirdesh mil sake. Maaloom ho ki JPC ki draft report meinein pradhaanamantri Manmohan Singh aur vitt mantri pi Chidambaram ko clean chit di gayi hai.


Kharche Ghataane Ko Kam Hongi Naukriyaan

Kharche Ghataane Ko Kam Hongi Naukriyaan

India »

grees mein 15 hajaar ki naukri par talavaar grees ne kharche ghataane ke liye sarkaari naukri kar rahe 15 hajaar logon ko barkhaast karne ka faisala kiya hai. Sansad mein isse jude ek bill par voting hui. Behad garmaagarm bahas ke beech is bill ke paksh mein 168 vote jabki virodh mein 123 vote pade. Greek sansad ke baahar is bill ke virodh takareeban 800 logon ne ekajut hokar pradarshan kiya. Sansad mein agar yah bill paas ho jaata hai to saal 2014 ke aakhir tak 15 hajaar logon ko apni naukri ganvaani padegi. Grees ki trade unionon aur civil services trade kaunfedareshan ne sarkaar ke is faisale ka purajor virodh kiya hai. Sena mein 20 hajaar naukriyaan ghataaega France France ne apne defence bajat mein katauti karne ka faisala kiya hai. Iske tahat vah sena mein 20 hajaar naukriyaan ghataaega. Defence ministri ki nai kitaab 'Vaait book on defence end naishanal security' ke mutaabik, saal 2019 tak France mein itni badi taadaad mein naukriyaan kam hongi. Kareeb paanch saal pehle hue review mein bhi sena mein oopar se lekar nichle paayadaan tak takareeban 55 hajaar naukriyaan ghataai gayi theen. Ab jo nai katauti ka prastaav hai, vah isse alag hai. Sarkaar ke mutaabik, sena mein maujooda samay mein 2 lakh 28 hajaar karmachaari hain.


Bhaarateeya Chhaatra Ke Hatyaare Ko Hogi Umrakaid

Bhaarateeya Chhaatra Ke Hatyaare Ko Hogi Umrakaid

India »

PTI. Melbourne Australia mein ek bhaarateeya chhaatra ki rape ke baad hatya ke maamale mein doshi karaar diye gaye yuvak ko umrakaid ki saja ki sifaarish ki gayi hai. Australia ke sarkaari vakeel ne doshi ko aajeevan jail mein rakhe jaane ki maang ki thi. Ghatna 2011 ki hai. Sydney mein Supreme court ne somvaar ko is maamale ki sunavaai ki. Praujikyootar ne court ko bataaya ki mujarim Daniel bhaarateeya chhaatra tosha ke ghar ke pados mein rahata tha. Usane sochi-samajhi saajish ke tahat tosha ke saath rape kiya aur baad mein usaki hatya kar di. Yahi naheen, iske baad Daniel ne tosha ke shav ko ek sootakes mein bharakar use nahar mein feink diya. 'Begining of a seeriyl kilr' praujikyootar ne ek dilchasp baat aur bataai ki shav feinkane ke baad Daniel apne ghar lauta aur 'Begining of a seeriyl kilr' naam ka ek aartikl padhne laga. Eepi news agency ke mutaabik, sarkaari praujikyootar mark tedeshi ne Justice derik price se Daniel ko umrakaid ki saja dene ki maang ki. Tedeshi ne court se kaha ki jis umr mein doosare yuvak college jaakar apna career banaate hain, usamein Daniel ne khud ko seeriyl repist aur kilr banaane ka faisala kiya. Ek report mein kaha gaya hai ki tosha ke rape aur murder se pehle Daniel ne Internet par is tarah ke 9,500 aartikls padhe.


Modi Sarkaar Hamein Aatankit Kar Rahi Hai VHP

Modi Sarkaar Hamein Aatankit Kar Rahi Hai VHP

India »

Ahmedabad. . Gujarat ke mukhyamantri Narendra Modi mission 2014 ke tahat apni sveekaaryata badhaane ke liye harsambhav koshish kar rahe hain, lekin unhein apne 'Parivaar' ki taraf se hi aarop ka saamana karna pad raha hai. Vishv hindu parishad (VHP) ne Gujarat ki BJP sarkaar par aise aarop lagaae hain, jisse sangh parivaar ke bheetar Modi ki mushkilein badh sakti hain. Gujarat ki Narendra Modi sarkaar aur VHP ke beech ke matabhed jagajaahir hain. VHP ne Gujarat ki BJP sarkaar par uske band pad chuke kaaryaalaya mein police bhejkar use aatankit karne ki koshish ka aarop lagaaya hai. Sangathan ne apne vakeel deepak shukla ke jariye Ahmedabad ke police commissioner ko notice bhejkar yah aarop lagaaya hai. VHP ne kaha ki 19 April ko police vaale bina koi soochana diye suraksha alert ke bahaane VHP kaaryaalaya mein ghus aae, jabki is kaaryaalaya ka 20 saal se sangathan istemaal naheen kar raha. Notice mein kaha gaya hai ki yah jaante hue bhi ki pichhle 20 saal se yah VHP ka kaamkaaji daftar naheen hai, police vaalon ko vahaan bhejane aur hamaare ek kaaryakarta ke mahila se poochhataachh ka kya matlab hai? VHP ne kaha ki choonki usane mukhyamantri se maaya kodanaani aur babu bajarangi ke liye maut ki maang naheen karne ka anurodh kiya tha, isliye sangathan ko aatankit karne ke liye police vaale bheje gaye hain.


RTI Ka Pehla Deta Base Banega

RTI Ka Pehla Deta Base Banega

India »

nai Delhi. . Soochana ke adhikaar ka upayog poore desh mein kis tarah ho raha hai sarkaar iske liye ek alag deta base ko taiyaar kar rahi hai. Ismein pata lagaaya jaaega ki log kis tarah ke savaal soochana ke adhikaar ke tahat jaanane ki koshish kar rahe hain aur kin vibhaagon aur mantraalayon se sabse adhik savaal maange ja rahe hain. Saath hi sarkaari vibhaagon ki or se diye ja rahe javaab ke taur-tareeke ke baare mein vistaar se deta banega. Inse judi har jaankaari sabhi pablik domen mein rahega. Is baare mein antim rooparekha 10 May ko dipaartameint of parsanel ki hone waali meeting mein tay ki jaaegi. Sootron ke mutaabik sarkaar ne RTI ko aur paaradarshi karne ke uddeshya se yah deta banaae ja rahe hain. Haalaanki iski prakriya pichhle saal bhi shuroo ki gayi thi lekin tab sarkaar iske liye ek bhi yogya agency ki talaash naheen kar paai thi. Maaloom ho ki sarkaar ne logon ki suvidha ke liye pichhle hafte se onalaaan RTI daayar karne ki bhi prakriya shuroo ki hai. Abhi ise kuchh vibhaagon mein laagoo kiya gaya hai aur agale ek maheene ke andar sabhi mantraalayon aur vibhaagon mein laagoo karne ki yojana hai. Log pemeint bhi online kar sakte hain.


Chitfand Ghotaala Jaanch Ko Taiyaar Trinamool Saansad

Chitfand Ghotaala Jaanch Ko Taiyaar Trinamool Saansad

India »

Kolkata. . Trinamool kaanges ke Rajyasabha saansad kunaal ghosh ne somvaar ko kaha ki vah kisi bhi jaanch ka saamana karne ke liye taiyaar hain. Unhonne police se darakhvaast ki hai ki is maamale mein unki baat suni jaae. Gaurtalab hai ki ghotaale ke aaropon mein ghire shaarada group ke mukhiya sudeepto sen ne CBI ko kathit taur par likhi gayi chitthi mein kunaal ke khilaaf aarop lagaae hain. Isteefe ki peshakash ghosh ne kaha ki mere khilaaf saajish rachi gayi hai. Kunaal ne party pramukh mamata Bannerjee ko ek chitthi likhi hai, jise Trinamool kaanges ki website par upload kiya gaya hai. Is chitthi mein unhonne isteefe ki peshakash karte hue daava kiya hai ki vah shaarada ki vitteeya gatividhiyon se naheen jude the. 'Chitfand ke business se shaarada ka sarokaar naheen' ol India asosiyeshan of chit fands (seeefaeaai) ne shaarada gup ke ghotaale ko 'Chitfand' ghotaala kahe jaane par aapatti darj karaai hai. Seeefaeaai ke general sekretari ti. S. Shivraamaakrushnan ne somvaar ko kaha ki malteeleval maarketing ya paunji skeems ko kisi chitfand company ke asafal hone ke taur par jaahir kiya ja raha hai. Yah sahi naheen hai. Bakaul shivraamaakrushnan, shaarada gup ne realty bijnas ke alaava 160 se jyaada doosari vyaapaarik gatividhiyon ke liye rajistreshan karaaya hai, lekin inmein se ek bhi chitfand ke taur par rajistard naheen hai. Nae bill par vivaad sandigdh business aiktiviteej mein shaamil companiyon par lagaam kasane ke maksad se raajya sarkaar ki or se laae ja rahe special bill ko lekar vivaad shuroo ho gaya hai. Vipakshi leedar CPM ka daava hai ki yah bill kuchh vaisa hi hai, jaisa ki poorv ki left sarkaar mein paas karaaya gaya tha. Left ke mutaabik, aise mein puraane bill ko vaapas lekar naya bill laane ki jaroorat kyon hai.


PM, PC Ka Bachaav Kiya Chaako Ne

PM, PC Ka Bachaav Kiya Chaako Ne

India »

PTI . Nai Delhi 2ji maamale ki jaanch kar rahi JPC ke adhyaksh pi. Si. Chaako ne committee ki report mein pradhaanamantri aur vittamantri ko Pak-saaf karaar diye jaane ka bachaav kiya hai. Unhonne kaha ki aisi koi bhi file ya rekaurd naheen hai jisse pata chale ki PM Manmohan Singh ya vitt mantri pi. Chidambaram ne kuchh galat kiya tha. Kuchh galat naheen kiya : Chaako ne kaha, hamein ek bhi aisi koi file ya rekaurd dekhne ko naheen mila jisse lagta ki PM ya vitt mantri ne kuchh bhi galat kiya tha ya faisale ke liye ve jimmedaar hain. Chaako ne yah bhi kaha ki BJP ki maang ke baavajood Singh aur Chidambaram ko committee ke saamane isliye naheen bulaaya gaya kyonki iske 30 sadasyon mein se adhiktar ki rai is kadam ke paksh mein naheen thi. Isteefe se kiya inkaar : Chaako ne apne isteefe ki baat se fir inkaar kiya. Unhonne kaha ki unako hataane ki maang par Loksabha adhyaksh se sampark karne ke bajaay agar sadasya unase seedhe isteefe ki maang karte to vah is baare mein vichaar kar sakte the. Chaako ne kaha, agar ve aate aur mujhse kehte ki aap isteefa day deejiye to main us baare mein soch sakta tha. Lekin unhonne maang naheen ki. Unhonne is baare mein Loksabha adhyaksh se mulaakaat ki. Mujhe naheen lagta ki mujhe hataane ke liye koi niyam hai.


Kya Hai JPC

Kya Hai JPC

India »

JPC yaani jauint paarliyaameintari committee. Is committee mein sansad mein vibhinn paartiyon ke chune hue pratinidhiyon ko unke anupaat ke aadhaar par chuna jaata hai. Yaani sansad mein jis party ke jyaada sadasya honge, committee mein usi anupaat mein use pratinidhitv milega. Filhaal 2ji spectrum ki jaanch kar rahi is committee mein kul 30 sadasya hain. JPC ki jaroorat kyon : Kisi bhi maamale ko lekar agar sansad ke jyaadaatar sadasya chaahate hain ki usaki jaanch JPC ke jariye honi chaahiye to iske liye committee ka gathan kiya jaata hai. JPC ko mini sansad bhi kaha jaata hai. Agar sansad khud kisi maamale ki jaanch karna chaahe to yah uske liye mumkin naheen hota kyonki Loksabha aur Rajyasabha ke kul sadasyon ki sankhya itni jyaada hogi ki jaanch karna hi sambhav naheen hoga. Yahi vajah hai ki sabhi paartiyon ko anupaat ke aadhaar par pratinidhitv dekar committee ka gathan kiya jaata hai. Is committee ko adhikaar hota hai ki vah sambandhit pakshon ko bulaakar unase javaab talab kare. Yah committee sarkaar se dastaavej bhi manga sakti hai. Dilchasp yah hai ki vivaadon ko khatm karne ke iraade se banane waali is committee ka ant aamtaur par vivaad ke saath hi hota hai. Ab tak bani hain paanch JPC, chhathaveen ki taiyaari 1. Bofors top saude ki jaanch : 1987 mein JPC ka gathan kiya gaya. Baad mein report taiyaar hone se pehle hi vipaksh ne iska boycott kar diya. 2. Harshad Mehta stock market ghotaala : 1992 mein JPC ka gathan. Is JPC ki sifaarishein poori tarah se laagoo naheen ho sakeen. 3. Ketan paarekh share market ghotaala : 2001 mein JPC ka gathan. Is JPC ne stock market reguleshan mein badlaav ki sifaarish ki. 4. Sauft drink pestisaaid maamala : 2003 mein JPC ka gathan kiya gaya. 5. Too ji spectrum ghotaala : 2011 mein JPC ka gathan. 30 sadasyon waali is committee ko lekar filhaal vivaad chal raha hai. 6. VVIP helikauptar ghotaala : Is maamale par bhi JPC ke gathan par taiyaari chal rahi hai. Pras tuti : Gulashan rai khatri.


Railway Inkvaayari Number Par Hue Rekaurd Call

Railway Inkvaayari Number Par Hue Rekaurd Call

India »

PTI. Nai Delhi: Bhaarateeya rel ki inkvaayari service 139 par pichhle saal 29.2 karod call kiye gaye, joki ab tak ka ek rekaurd hai. Aasaani se samajhne ke liye kahein to har din trainon se judi tamaam jaankaari ke liye 8 lakh se jyaada call kiye gaye. Inkvaayari service oparet karne vaale sangathan rel sampark ne bataaya ki UP, Bihar, Rajasthan, Haryana, madhya pradesh aur Jharkhand se kareeb 75 feesadi call aur SMS kiye gaye. Iske alaava, yaatriyon ki or se jaankaari maangane mein istemaal bhaasha mein english (16 parseint) doosare number par rahi.


'Bhaarateeyon Se Aisa Salook Bardaasht Naheen

'Bhaarateeyon Se Aisa Salook Bardaasht Naheen

India »

PTI. Jammu Pakistan ki jail mein band bhaarateeya kaidi sarabajeet par hue jaanleva hamle ko lekar poore desh mein naaraajagi hai. Alag-shaharon mein raajaneetik dalon ne Pakistan ke putale foonke. Jammu mein BJP kaaryakartaaon ne jordaar pradarshan kiya. Unhonne kendra sarkaar se maang ki hai ki vah bhaarateeya kaidiyon ke saath ho rahi julm-jyaadati rokane ke liye kade kadam uthaae. BJP kaayakartaaon ne is baat par naaraajagi jataai ki ab Pakistan ki or se kisi tarah ki medical report naheen jaari ki ja rahi hai. Unhonne kaha ki hamein dar hai ki jaise chamel Singh ki hatya kar di gayi, kaheen vaise hi sarabajeet ke saath karne ki saajish to naheen rachi ja rahi hai. Unhonne kaha ki kendra sarkaar Pakistan mein bhaarateeya kaidiyon ke saath ho rahi jyaadati ko rokane ke liye sakht kadam uthaae. Gaurtalab hai ki Pakistan mein maut ki saja ka saamana kar rahe bhaarateeya kaidi sarabajeet par 26 April ko uske ek saathi kaidi ne hamla kar diya tha. Unke sir mein gambhir chotein I hain aur vah jinna aspataal ke ICU mein coma ki haalat mein bharti hain. Isi saal Pakistan ki kot lakhapat jail mein chamel Singh naam ke ek kaidi ki hatya kar di gayi thi. Jammu ke alaava Meerut, Lucknow, Allahabad aur Patna jaise shaharon se bhi pradarshan ki khabarein aa rahi hain.


Alag Raajya, Vikaas Ka Model Bhi Juda

Alag Raajya, Vikaas Ka Model Bhi Juda

India »

chhote banaam bade raajya, viksit banaam pichhde raajya desh ke alag-alag raajyon ke beech kai cheejon mein buniyaadi antar hai. Aakaar ke star par jahaan chhote aur bade raajya hain, vaheen doosra aadhaar viksit banaam pichhde raajya ka raha hai. Jahaan kuchh raajya shuroo se hi apni sanpada aur doosari vajahon se viksit ki kaitigri mein shumaar hue vaheen kuchh pichhde raajyon mein. Raajyon ke vikaas model par ek najar prati vyakti aay mein growth (feesadi) Bihar-11.75 Gujarat-9.3 madhya-pradesh-10 Chhattisgarh-10 Orissa-9.4 GDP growth (feesadi) Bihar-10.9 Gujarat-9.4 madhya-pradesh-9.2 Orissa-9.14 Chhattisgarh-10 hyooman divelapameint index mein in raajyon ka desh mein sthaan Bihar- 21 Gujarat-11 madhya pradesh-20 Orissa-22 Chhattisgarh-23 ( sabhi aankade taaja ) alag raajya , alag kahaani 1. Madhya pradesh - pichhle paanch saal mein GDP growth lagaataar 8 se 9 feesadi ke beech raha. Is saal Bihar ko pachhaadkar yah raajya poore desh mein number ek ban gaya. - pichhle teen saal mein bijli ka utpaadan 2900 megaavaut se badhkar 6000 megaavaut tak pahanuch gaya. Power sector mein vikaas ke maamale mein poore desh mein baaji maari. - sinchaai ke kshetr mein bhi behtar kaam kiya. Pichhle chaar saalon mein 30 hajaar hekteyar khet mein sinchaai ki nai vyavastha hui. Krushi ka GDP 18 feesadi se badha. - pichhle chaar saal mein 80 hajaar kimi sadak banaakar is maamale mein sabse behtar kaam kiya. Chunauti - bade paimaane par niveshakon ko aakarshit kar paane mane kaamayaabi naheen mili. Doosare raajyon ke mukaabale videshi nivesh bahut kam hai. 2. Bihar - pichhle paanch saal ke dauraan 10 feesadi se oopar ki GDP growth banaae rakhane vaala akela raajya. Pichhle saal 13 feesadi se adhik growth ke saath poore desh mein pehle number par raha. 11 veen panchavarsheeya yojana ke dauraan poore desh mein sabse jyaada vikaas dar barkaraar rakhane vaala raajya bana. - prati vyakti aay badhaane ke maamale mein bhi raajya ne lagaataar behtar pradarshan kiya. Haalaanki , doosare raajyoein ke mukaabale yah bhi desh ke ausat se kam hai. - mahilaaon ki saaksharata badhaane ki disha mein kaafi tarakki hui. - chaar len ki sadak banaane ke kaam ko sabse badhiya tareeke se anjaam diya. Teen project vakt se pehle poore hue. Chunauti - kharaab infrastructure aur power ki samasya ab bhi vikaas mein badi baadha. 3. Chhattisgarh - niveshakon ko lubhaane mein safal raha. 2006 se 2011 ke beech raajya ne 4 lakh karod ke nivesh sambandhi MOU par dastakhat kiye. - videshi nivesh se raajya ka infrastructure sudhaarane mein madad mili. - power ke kshetr mein Chhattisgarh ne sabse jyaada vikaas kiya. Vahaan bijli ka utpaadan paanch saal mein teen guna tak badh gaya. Chunauti - naksal samasya raajya ke vikaas ke raaste mein sabse badi baadha hai. 4. Gujarat - 1995 se lekar ab tak GDP growth kareeb 8 feesadi ke aaspaas rakhane mein kaamayaabi paai. - power sector mein shaanadaar kaam kiya. - niveshakon ko aakarshit karne ke maamale mein sabse aage raha. Pablik private paartanaraship ( peepeepi ) ko kaamayaabi se nibhaane mein sabse aage raha. Chunauti - gaanvon tak vikaas ki lahar poori tarah naheen pahunch paai hai. Hyooman index mein raajya ki sthiti kamjor hui. 5. Orissa - niveshakon ko aakarshit karne mein kaamayaab raha. IT hab ke roop mein bhuvaneshvar ek naya vikalp bana. Pichhle 10 saal mein 3 lakh karod ka videshi nivesh huaa. - 2001 se 2005 ke beech mahaj 3.5 feesadi ki dar se GDP growth vaale Orissa mein paanch saal mein doguni raftaar se growth huaa. Chunauti - naksal samasya ke maddenajar niveshakon ko suraksha dilaana badi chinta ki baat.


Patni Ne Premi Se Milkar Racha Kidnaiping Ka Drama

Patni Ne Premi Se Milkar Racha Kidnaiping Ka Drama

India »

IANS. Lucknow : Jile mein shanivaar raat agyaat hathiyaarband badmaashon ne pati se lootpaat kar uske saamane navavivaahita patni ka apaharan kar liya, lekin police ne ravivaar ko khulaasa kiya ki navavivaahita ne khud apne premi ke saath milkar loot aur apaharan ke naatak ko anjaam diya tha. Ghatna jile ke shaahapur ilaake ki hai, jahaan shanivaar ki raat gulafaam apni patni rukhasaana (donon badle naam) ko uske maayake se lekar apne ghar aa raha tha. Tabhi raaste mein chaandapur gaanv ke paas 3 baaik par savaar 6 badmaashon ne hathiyaar ke bal par over tech kar car ko rukava liya. Badmaash gulafaam ka batuaa, car ki chaabhi aur kapadon se bhara bag apne kabje mein le liya aur iske baad rukhasaana ka apaharan kar faraar ho gaye. Ghatna ke baad gulafaam ne police ko bataaya ki rukhasaana se usaki shaadi 25 April ko hui thi. Shaadi se pehle kuchh log use shaadi naheen karne ki dhamaki day rahe the. Police ne ise ek tarafa pyaar ka maamala maankar jaanch shuroo ki, lekin paaya gaya ki loot aur apaharan ke naatak ko suniyojit tareeke se anjaam diya gaya. Ismein reshama bhi shaamil thi. SP (crime) kalpana Saxena ne kaha ki mahila ko subah baraamad kiya gaya. Mahila se poochhataachh ki gayi to usane kabool kiya ki premi baabar ke saath usane apne apaharan ka naatak racha tha. Filhaal baabar aur apaharan ke naatak mein shaamil uske sahayogiyon ki giraftaari naheen ho paai hai.


Premika Se Naaraaj Student Ne Jaan Di

Premika Se Naaraaj Student Ne Jaan Di

India »

bulandashahar. . Beeeemaes ki padhaai kar rahe ek student ne aatmahatya kar li. Bataaya jaata hai ki usaka premika se kisi baat par manamutaav ho gaya tha, jiske baad usane yah kadam uthaaya. Student ki premika usi ke saath padhti thi. Donon shaadi bhi karne vaale the. Is beech, donon ka kisi baat par manamutaav ho gaya to chhaatra kisi aur ladke se baat karne lagi. Isse naaraaj yuvak ne haustal mein jaan day di. Vah khurja dehaat thaana kshetr ke vaidya yajnyaadatt ayurvedik mahaavidyaalaya mein beeeemaes final iyar chhaatr tha. Usaka naam himaanshu sharma tha aur vah bareli ka rahane vaala tha. Usaka shav shanivaar raat ko pankhe se lataka dekhkar chhaatron mein koharaam mach gaya. Unhonne college prashaasan, keyar tekar aur police ko soochana di. Himaanshu sharma ke pita raamaavataar ne college prashaasan par bachchon ki dekharekh karne mein laaparavaahi baratne ka aarop lagaaya hai. Unka kehna hai ki agar college prashaasan ko unke bete ke prem prasang ke baare mein jaankaari thi, to is baat ki khabar unhein bhejani chaahiye thi. Unhein kya pata ki unke bete ne aatmahatya ki hai. Unhonne yah bhi kaha ki ho sakta hai ki prem prasang ke chalte kisi aur na hi use maar diya ho. SSP gulaab Singh ne bataaya ki prem prasang mein naakaam rahane par chhaatr ne aatmahatya ki hai. Unka kehna hai ki student college ki ek chhaatra se pyaar karta tha. Do teen din pehle donon ne kisi baat ko lekar manamutaav ho gaya, jisse usane aatmahatya kar li.


'UP Ka Hissa Lekar Indraprasth State Bane

'UP Ka Hissa Lekar Indraprasth State Bane

India »

modeenagar. . Pashchimi uttar pradesh ko alag raajya aur yahaan haai court bench banaane ke liye samay-samay par aandolan hote rahe lekin UP mein jo bhi sarkaar rahi sabhi ne pashchimi uttar pradesh ke logon ki is maamale mein upeksha hi ki. Haalaanki, UP se alag kar uttaraakhand aur Bihar se alag kar Jharkhand ko raajya bana diya gaya. JDU ke raashtreeya mahaasachiv ke. Si. Tyaagi ne ye baatein kaheen. JDU neta ne kaha ki Delhi vidhaanasabha kshetr mein UP ke NCR ko shaamil kar ise poorn raajya ka darja dekar indraprasth state banaaya jaae. Isse pashchimi uttar pradesh ko alag raajya aur haai court bench ka mudda apne aap hi hal ho jaaega. Yahaan ke log Delhi haai court se jud jaaenge.


'Revaadi Jila Banega Education Hab

'Revaadi Jila Banega Education Hab

India »

revaadi. . Congress saansad deepeindr hudda ne kaha hai ki revaadi jila shiksha ke hab ke roop mein viksit hone ja raha hai. Pichhle 8 saalon mein yahaan jitne sarkaari shikshan sansthaan khole gaye, utane pichhle 60 saalon mein naheen khole gaye. Deepeindr hudda ne kaha ki shiksha ke vikaas se ilaake ke asli vikaas ka raasta taiyaar hota hai. Isi soch se ilaake mein nae-nae shikshan sansthaan khole ja rahe hain. Unhonne bataaya ki sarkaar banane ke baad jile mein 5 nae sarkaari college, 5 sarkaari aaiteeaai, ek sainik school aur ek sarkaari pauliteknik shuroo ho chuke hain. Iske alaava ek university, krushi college, pauliteknik aur ek injiniyring college ko manjoori di ja chuki hai.


Jail Depyuti Suparinteindeint Ko Dena Pada Jurmaana

Jail Depyuti Suparinteindeint Ko Dena Pada Jurmaana

India »

hisaar. . Niji gaadiyon par laal aur neeli batti lagaane vaalon ki dharapakad ke liye chalaae gaye abhiyaan mein kai VIP logon ka chaalaan kaata gaya. Rod sefti sangathan ki madad se yah abhiyaan chalaaya gaya. Is abhiyaan ke tahat shahar ke ek chauk par ki gayi checking ke dauraan apni niji gaadi par neeli batti lagaakar pahunche hisaar central jail ke dipti suparinteindeint sanjeev Kumar ko policekarmiyon ne roka. Unase neeli batti lagaane ka anumati patra dikhaane ke liye kaha gaya. Jab vah aisa koi anumati patra naheen dikha paae, to unki gaadi ka chaalaan kaat diya gaya. Traffic police ne bina helamet gaadi chalaane aur gaadiyon ke sheeshe kaale paae jaane par bhi kai vaahanon ke chaalaan kaate. Inmein kai VIP log bhi shaamil rahe. Kaale sheeshe lagaakar gaadi chalaane vaalon ne apne VIP rootabe ka istemaal karne ka prayaas bhi kiya, lekin checking abhiyaan mein lage policekarmiyon ne iski koi paravaah naheen ki. Un logon ka bhi chaalaan kaata gaya. Jila yaataayaat prabhaari deva Singh ne bataaya ki kisi bhi niji gaadi par laal ya neeli batti lagaana gair samvaidhaanik hai. Gaadi par batti lagaane se poorv usaki ijaajat hona jaroori hai. Yaataayaat ke niyam aam va khaas sabhi ke liye samaan hain. Niyamon ka ullanghan karne vaalon ke khilaaf nishchit taur par kaarravaai ki jaaegi.


Constable Ki Sandigdh Avastha Mein Maut

Constable Ki Sandigdh Avastha Mein Maut

India »

bulandashahar. . Seeaaiesaef mein tainaat gulaavathi ke constable ki Jharkhand mein sandigdh paristhitiyon mein maut ho gayi. Constable ke parijanon ne hatya kar aatmahatya ka roop diye jaane ka aarop lagaaya aur maut ki jaanch karaane ki maang ki. Amit Kumar seeaaiesaef ke dhanabaad sthit company mein rasad vibhaag ke store inchaarj pad par kaaryarat tha. Parijanon ne bataaya ki 28 April ki subah amit ke pankhe se latakakar jaan dene ki soochana di gayi. Lekin aatmahatya ki baat parijanon ke gale naheen utar rahi. 'Bina naam vaale patthar todein' Haryana ki pablik helth injiniyring cabinet ministar kiran chaudhari ne bhivaani sansadeeya kshetr ke afsaron ko hidaayat di hai ki vikaas kaaryon ke udghaatan aur shilaanyaas ke jin pattharon par kshetr ki saansad ka naam naheen hai, unhein tod diya jaae. Kiran chaudhari bhivaani jile ke daure par hain. Bhivaani sansadeeya kshetr se unki beti shruti chaudhari saansad hain. Is dauraan unke samarthakon ne unhein bataaya ki kshetr mein kai poorv vidhaayak aur poorv mantri vikaas kaaryon ke patthar laga rahe hain aur in par kshetr ki saansad ka naam naheen hai. Itna sunate hi kiran chaudhari ko gussa aa gaya aur unhonne afsaron ki class li.


Ph. D Student Se Chhedchhaad, Aaropi Hiraasat Mein

Ph. D Student Se Chhedchhaad, Aaropi Hiraasat Mein

India »

hisaar. . Guru janbheshvar university ki Ph. D. Skaular ne vaheen ke ek naun teeching staaf par peechha karne aur chhedchhaad karne ka aarop lagaaya hai. Is chhaatra ne police aur university prashaasan ko di likhit shikaayat mein kaha hai ki jab vah dipaartameint se nikalkar paidal ja rahi thi to gate number teen ke paas saamane se aa rahe ek gaadi savaar vyakti ne uske saath chhedchhaad ki aur usaka peechha kiya. Usane is chhedchhaad se gate number teen par security guard ko avagat karaaya. Iske baad vah vyakti gaadi lekar faraar hone laga lekin guard ne use pakad liya. Chhaatra ka aarop hai ki chhedchhaad karne vaala naun teeching staaf sharaab ke nashe mein tha. Usaki duty result branch mein lagi hui hai. Chhaatron ka aarop hai ki university prashaasan maamale ko rafa dafa karne ki koshish mein hai. Police ne chhaatra ki shikaayat par jaanch padtaal shuroo kar di hai. Aaropi ko hiraasat mein lekar poochhataachh bhi ki gayi.


Aligadh Mein 3 Saal Ki Bachchi Se Rape, Haalat Gambhir

Aligadh Mein 3 Saal Ki Bachchi Se Rape, Haalat Gambhir

India »

Aligadh. . Uttarapradesh ke Aligadh jile mein ravivaar ko ek naabaalig ladke par dhaai saal ki bachchi se rape ka aarop lagaaya gaya. Bachchi ko aspataal mein bharti karaaya gaya hai, jahaan usaki haalat gambhir hai. Aaropi ladke ko giraftaar kar liya hai. Vaheen baaraabanki jile ke raamasanehi ghaat mein ek naabaalig ladki se gang-rape ke aarop mein 2 yuvakon ke khilaaf mukadama darj kiya gaya. Aligadh ke SSP amit paathak ne bataaya ki igalaas thaana kshetr ke ek gaanv mein 14 saal ka ladka apne pados mein rahane waali dhaai saal ki bachchi ko cycle se ghumaane ke bahaane le gaya aur bachchi ko apni havas ka shikaar banaaya. Bachchi ko javaaharalaal Nehru medical kaalej mein bharti karaaya gaya hai, jahaan usaki haalat gambhir bataai jaati hai. Paathak ne bataaya ki aaropi ko giraftaar kar liya gaya hai. Vaheen baaraabanki ke raamasaneheeghaat ilaake mein 23 April ki raat ko aayojit saanskrutik kaaryakram dekhne gayi 16 saal ki ek ladki jab ghar laut rahi thi, tabhi nanaki aur chandaoo naamak yuvakon ne use pakad liya aur paas ke khet mein le jaakar balaatkaar kiya. Ladki ke pita ne jab mukadama darj karaane ki koshish ki to nanaki aur chandaoo ne use nateeje bhugatne ki dhamaki di. Dhamakiyon se trust hokar parijan ne DM ministi S. Se guhaar lagaai. Unke aadesh par donaane aaropiyon ke khilaaf mukadama darj karke unki talaash shuroo kar di gayi hai.


Ashvini Ke Isteefe Ka Savaal Hi Naheen PM

Ashvini Ke Isteefe Ka Savaal Hi Naheen PM

India »

vishesh samvaadadaata . Nai Delhi pradhaanamantri Manmohan Singh ne saaf kar diya hai ki kaanoon mantri ashvini Kumar pad se isteefa naheen deinge. Koyala ghotaale par CBI report se paida vivaad ke baad se vipaksh Kumar ke isteefe ki maang kar raha hai. Ashvini Kumar ka bachaav karte hue PM ne kaha ki isteefe ka savaal hi naheen uthata. Vaise bhi maamala abhi court ke vichaaraadheen hai isliye mera kuchh kehna theek naheen hoga. Pradhaanamantri shanivaar ko raashtrapati bhavan mein hue ek kaaryakram ke dauraan media se baatcheet kar rahe the. Gaurtalab hai ki koyala maamale mein vipaksh kaanoon mantri ke saath-saath pradhaanamantri ke isteefe ki maang par bhi jor day raha hai. Vipaksh ki is maang par unki tippani thi ki yah koi pehli baar naheen hai, jab vipaksh isteefa maang raha ho. Nau saal ke kaaryakaal mein vipaksh ne mujhse kai baar isteefe ki maang ki hai. Unhonne vipaksh ke is aarop ko bhi khaarij kar diya ki unhonne khud ko bachaane ke liye kaanoon mantri ka istemaal kiya. PM ne vipaksh se sansad ka gatirodh khatm karne ki appeal karte hue kaha ki sadan ki kaaryavaahi thap karke ham na sirf lokatantr ka majaak bana rahe hain, balki duniya ham par hans rahi hai. Pradhaanamantri ka kehna tha ki vivaadit muddon par bahas, baatcheet aur charcha karke unka hal nikaala jaana chaahiye. Cheen ki ghuspaith : Cheen ke Bhaarat ki seema mein ghuspaith ke maamale par PM ka kehna tha ki ham is maamale ko jyaada tool naheen dena chaahate. Yah ek seemit ilaake ki samasya hai. Aise mein ham maamale ko jyaada tool naheen dena chaahate. Maamale ko lekar Bhaarat sarkaar ki ek yojana hai aur sarkaar maanati hai ki baatcheet se samasya sulajh sakti hai. Chitfand ghotaala : Pashchim Bengal mein chitfand ghotaale ke saamane aane ke baad pradhaanamantri ne paison ko lekar hone waali sandehaaspad gatividhiyon ko rokane ki purajor vakaalat ki. Unka kehna tha ki logon ko unke paison ke badle bhaari bharakam rakam vaapasi ka laalach dekar unase anadhikrut taur par paise lena theek naheen hai. Aisi gatividhiyon ko turant rokane ki jaroorat hai.