Nechural Gas Aavantan Par Baithak Tali

Nechural Gas Aavantan Par Baithak Tali

India »

vis . Nai Delhi : Nechural gas aavantan mein praathamikta badalne se jude adhikaar praapt mantrismooh ki mangalvaar ko hone waali baithak aage ke liye taal di gayi. Raksha mantri A. Ke. Antony ki adhyakshata waali mantrismooh ki baithak mein nechural gas aavantan ki praathamikta badalne par vichaar kiya jaana tha. Iske tahat maujooda vakt mein sirf yooriya plaanton ko diya jaane vaala nechural gas, bijli plaanton ko bhi diya ja sake, is par vichaar hona tha. Sootron ke mutaabik, adhikaar praapt mantrismooh ki baithak mangalvaar ko naheen ho rahi hai. Iski vajah yah hai ki petrolium mantraalaya ne iske saath hi praakrutik gas ki keemat badhaane ke liye aarthik maamalon ki mantrimandaleeya samiti se sampark kiya hai. Vitt mantraalaya sahit kuchh vibhaag chaahate hain ki donon prastaavon ke beech saamanjasya ho.


Aatankvaad Ki Tarah Hi Naksalavaad Se Bhi Nipta Jaae BJP

Aatankvaad Ki Tarah Hi Naksalavaad Se Bhi Nipta Jaae BJP

India »

vis . Nai Delhi : Chhattisgarh mein Congressi netaaon par hue naksali hamle ke baad baikafut par I BJP ka kehna hai ki naksalavaad ko bhi aatankvaad ki tarah hi dekha jaana chaahiye aur iske safaae ke liye sabhi dalaane ko milkar kaam karna chaahiye. Is ghatna se upaje haalaat par vichaar karne ke liye party ke senior leedaron ki somvaar ko baithak hui jismein hamle mein maare gaye netaaon aur anya logon ko shraddhaanjali di gayi. Baithak mein party adhyaksh Rajnath Singh, Lal Krishna Advani, arun jetali, Sushma Swaraj, murali manohar Joshi, raamalaal, anant Kumar aadi neta maujood the. Baithak mein yah bhi tay kiya gaya ki Budhvaar ko Rajnath Singh, jetali, J. Pi. Nadda aadi Chhattisgarh jaaenge aur maare gaye Congressi netaaon aur ghaayalon ke parivaaron se mileinge.


Air India Ke Board Mein Ab Honge Eksaparts

Air India Ke Board Mein Ab Honge Eksaparts

India »

vis . Nai Delhi : Air India ko moti rakam dekar patari par laane ki koshishon ke tahat ab airlines ke board of daayarektars mein paanch eksaparts ko bhi shaamil karna tay kiya gaya hai. Ye sabhi eksaparts apne field mein maahir hain. Sarkaar ko lagta hai ki in part time gair sarkaari daayarektaron ki madad se air India ko fir se patari par laane mein madad milegi. Inmein se kai pehle hi committee ki report ke roop mein air India ko behatareen sujhaav day chuke hain aur inmein se kuchh laagoo bhi kiye gaye hain. Civil eviyeshan ministri ke pravakta ke mutaabik, eksaparts mein kaafi naami log shaamil hain. Masalan, Harvard university se padhe guracharan das jo prauktar end gainbal ke CEO ke alaava kai aur jagah kaam kar chuke hain. Iske alaava Gurgaon ki aaiteeem university ke vaais chaansalar Dr. Prem vrat, air maarshal (retire) ke. Ke. Nohavar, IIM Ahmedabad ke Dr. Ravindar H. Dholakiya aur mi. Renuka raamanaath shaamil hain.


'Amoolya Sanpada Hote Hain Achhe Sanskaar

'Amoolya Sanpada Hote Hain Achhe Sanskaar

India »

napr . Dhaarooheda : Shri diganbar jain mandir mein naitik shiksha samiti dvaara bachchon ka naitik shikshan shivir aayojit kiya gaya. Ek saptaah ke is shivir mein sau se adhik bachchon ne naitik shiksha grahan ki. Samaapan samaaroh mein ahinsa vishv bhaarati ke sansthaapak aachaarya Dr. Lokesh muni ne kaha ki sanskaaron ki sanpada amoolya hoti hai. Majaboot neenv par hi vishaal imaarat khadi ki ja sakti hai. Bachapan ke sanskaar umr bhar kaam aate hain. ACP raajaaraam, samiti ke kaaryaadhyaksh shri kishor jain, sanyojak pradyumn jain evam manoj jain aadi ne medhaavi bachchon ko puraskrut kiya. Naitik sanskaaron par aadhaarit ek film ka pradarshan bhi kiya gaya.


Himachal Mein Bhaari Baarish, Barfabaari

Himachal Mein Bhaari Baarish, Barfabaari

India »

bhaasha . Shimla Himachal pradesh ke adhikaansh hisson mein somvaar ko jamkar baarish hui. Vaheen, raajya ke oonchaai vaale ilaakon mein dobaara se snofaul huaa. Garmi se behaal logon ko is baarish aur himpaat se kaafi raahat mili hai. Rajdhani Shimla mein lagbhag 2 ghante tak bhaari barasaat hui. Iske alaava, aandhi bhi chalti rahi. Mahatvapoorn tourist place dharmashaala, paalamapur, Manali, kulloo, chail, kasauli, chanba aur barog mein bhi baarish hui. Kaangada aur una ke kai ilaakon mein bhi hui baarish ne mausam shushk rahane ke kaaran jaanvaron ke liye chaare ki kami ka saamana kar rahe kisaanon ke chehare par khushi la di. Mausam vibhaag ke mutaabik, aane vaale dinon mein western distarbeins ke kaaran dharmashaala aur aaspaas ke ilaakon mein aur adhik baarish ho sakti hai. Jungle mein lagi aag bujhi raajya mein pichhle do saptaah se taapamaan saamaanya se 6-8 degree celcius adhik tha. Baarish aur snofaul ke baad taapamaan ke mijaaj mein kuchh narami I hai. Baarish ki vajah se nichle aur madhya kshetr mein sthit jungle mein lagi aag bhi bujh gayi.


Navaaj Shareef PM Pad Ke Liye Nauminet

Navaaj Shareef PM Pad Ke Liye Nauminet

India »

bhaasha . Islamabad PML (N)ne party supreemo navaaj shareef ko aupachaarik roop se pradhaanamantri pad ke liye nauminet kar diya hai. Unki party ne 342 sadasyon waali naishanal assembly mein bahumat haasil kiya hai. Nai naishanal assembly ka pehla session 1 June ko shuroo hone se pehle shareef ke naumineshan ko aakhiri manjoori PML (N) ki sansadeeya samiti ki baithak ke dauraan di jaaegi. Gaurtalab hai ki 11 May ko hue aam chunaav mein sabse badi party ke roop mein ubharane ke baad PML (N) sarkaar banaane ja rahi hai. 5 June ko chune jaaenge nae PM: Pakistan ki sansad ke nichle sadan naishanal assembly ke sadasya 5 June ko aupachaarik taur par desh ke nae pradhaanamantri ka chunaav kareinge. PML (N) ke adhikaariyon ne kaha ki pradhaanamantri pad ka chunaav mahaj ek aupachaarikta hogi, kyonki 342 sadasyeeya naishanal assembly mein party ke paas jaroori sankhya bal hai.


Kiske Kehne Par Badla Gaya Tha Root

Kiske Kehne Par Badla Gaya Tha Root

India »

vishesh samvaadadaata . Nai Delhi Chhattisgarh mein Congressi kaafile par hue hamle ke baad maamale ki jaanch kar rahi NIA ko hom ministri ne un savaalon ke javaab bhi dhoondhane ko kaha hai, jo mrutak Congressi netaaon ke parijanon ne uthaae hain. Sootron ke mutaabik, NIA ko kaha gaya hai ki vah jaanch kare ki kis ke kehne par Congressi netaaon ke kaafile ka root badla gaya? Kuchh aur ghatnaakram bhi jaanch ke ghere mein hain, masalan- naksaliyon ne vidhaayak kabaasi lakhama ko mauke se bhaga diya, jabki pradesh Congress adhyaksh nandakumaar Patel ke aatmasamarpan karne ke baavajood unhein aur unke bete ko maar diya gaya. Gaurtalab hai ki naksali abhi tak netaaon ka apaharan karke sarkaar par dabaav banaaya karte the. Har engal se jaanch karegi NIA gruh mantraalaya ke ek senior adhikaari ke mutaabik, Mahendra karma naksaliyon ke nishaane par the. Un par pehle bhi hamle ho chuke the. Ve naksaliyon ki khuli khilaafat kar rahe the. Isi vajah se naksaliyon ne unhein barbarata poorvak maara, lekin nandakumaar Patel to us kshetr ke bhi naheen the. Unhein is tarah alag karke kyon maara gaya? NIA ki team se kaha gaya hai ki vah har engal se jaanch kare. Patel ke parivaar ne jo aarop lagaae hain, unki gambheerta ko parakha jaae. Agar jaroori ho to netaaon ki bhoomika ki bhi jaanch ki jaae. NIA pata lagaaegi, kahaan hui chook Chhattisgarh gayi NIA ki team ka netrutv aaiji sanjeev Singh kar rahe hain. Gruh raajyamantri aar. Pi. N. Singh ke mutaabik, NIA se kaha gaya hai ki vah is baat ka bhi pata lagaae ki chook kahaan hui? Kaheen suraksha balon mein taalamel ki kami to naheen thi? Singh ne yah maana ki jis tarah ka hamla huaa hai, usase saaf hai ki suraksha ke maamale mein badi chook hui hai. Is hamle ke peechhe kaun hai, is savaal par gruh raajyamantri ne kaha ki abhi kuchh kaha naheen ja sakta. Jaanch ke baad hi kuchh kah sakeinge. Aaj Chhattisgarh pahuncheinge hom sekeratari NIA ki team somvaar ko Raipur pahunch gayi. Keindreeya gruhasachiv aar. Ke. Singh bhi aaj yahaan pahunch rahe hain. Vah raajya ke senior adhikaariyon se milkar suraksha ke haalaat ki sameeksha kareinge.


2ji Spectrum Ghotaala Adaalat Mein Gavaah Ke Taur Par Pesh Ho Sakti Hain Neera Raadiya

2ji Spectrum Ghotaala Adaalat Mein Gavaah Ke Taur Par Pesh Ho Sakti Hain Neera Raadiya

India »

nai Delhi. . Poorv corporate lobbyist neera raadiya mangalvaar ko Delhi ki ek adaalat mein 2ji spectrum aavantan ghotaale mein men prausikyooshan witness ke roop mein apna bayaan darj karaane ke liye pesh ho sakti hain. Raadiya ko pichhle saal 5 December ko CBI ke gavaah ke roop mein adaalat mein pesh hona tha. Unhonne nyooro surgery karavaane ke liye adaalat se teen maah ka samay maanga tha. CBI ne May ke pehle hafte mein vishesh CBI judge O pi saini ki adaalat mein pesh hone vaale prausikyooshan ke gavaahon ki soochi saunpi thi. Iske hisaab se raadiya ko 28 May ko adaalat mein pesh hona hai. Jaanch agency ne poorv doorasanchaar mantri A raaja ke khilaaf do April 2011 ko prastut aarop patra mein abhiyojan paksh ka gavaah banaaya tha. Raadiya ka bayaan is drushti se mahatvapoorn hai ki unhonne jaanch ke dauraan bayaan diya tha ki svaan telecom private limited yoonifaaid aikses service (yooees) license ki paatr naheen thi. Yah company Delhi circle ke liye 2ji spectrum ki ekamaatr aavedak thi. Raadiya ne 20 December 2010 ko CBI ko diye bayaan mein kaha tha ki unki samajh se yah company poori tarah Reliance kamyoonikeshans ke niyantran mein thi. CBI ne apne aarop patra mein aarop lagaaya tha ki Reliance telecom limited ne Shahid usmaan balava aur vinod goyanaka dvaara pramoted company svaan telecom ka istemaal mukhaute ke roop mein kiya tha taaki uske jariye 2ji license aur mahanga spectrum haasil kiya ja sake. Is maamale mein svaan telecom aur uske pramotars Shahid usmaan balava aur vinod goyanaka, aarateeel aur Reliance edeeeji ke sheersh teen kaaryakaariyon Gautam doshi, sureindr pipaara aur hari Nair ke khilaaf is maamale mein mukadama chal raha hai.


Naksali Hamla Antim Samay Mein Yaatra Ka Root Badla Gaya

Naksali Hamla Antim Samay Mein Yaatra Ka Root Badla Gaya

India »

Raipur. . Bastar ka sher kahe jaane vaale Congress neta Mahendra karma ki hatya karne ke baad nak‍aasaliyon ne kroorata ki saari hadein paar kar di theen. Salava judoom ko shuroo karne vaale karma ko goliyon se chhalni karne ke baad nak‍aasaliyon ne unki maut par jashn manaaya. Hamle mein ghaayal hue logon ne aspataal mein bataaya ki karma ki laash ko gherakar naksali der tak naachate rahe aur baar-baar bandook ke bat se laash ko maarkar apna gus‍aasa shaant kiya. Padhein, blog: Mahendra karma raheinge to naksalavaad ko bhi rahana hoga itna hi naheen, sukama mein Congress ki parivartan rally par hamla karke maut ka nanga naach karne ke baad nak‍aasali kai shavon ke ang bhi kaat kar apne saath le gaye. Ghatanaas‍aathal par kai shavon ki aankhein gaayab theen. Is beech, is naksali hamle ki jaanch ab NIA ko saunp di gayi hai. Gruh mantri susheel Kumar shinde ne ravivaar ko America se phone ke jariye raman Singh se baat ki aur saari sthiti ki jaankaari li. Keindreeya gruh mantraalaya ne is ghatna par Chhattisgarh sarkaar se vistrut report talab ki hai. Sootron ke mutaabik, police ko pata chala hai ki Congress ki parivartan yaatra ka root antim samay par kisi sthaaneeya neta ke kehne par badla gaya tha. Police jaanch kar rahi hai ki root badle jaane ki peechhe koi saajish to naheen hai. Pehle kaafila sukama se gaadeeraas ke raaste jaane vaala tha, lekin ain vakt mein kisi sthaaneeya neta ke kehne par ise badalkar tongapaal aur darabha ghaati ke raaste kar diya gaya. Haalaanki, Congress netaaon ne root badle jaane ki baat ka khandan kiya hai. Naksaliyon ne shanivaar ko parivartan yaatra se laut rahe Congress ke kaafile par chaaron taraf se gherakar Chhattisgarh ke sukama mein achaanak hamla kar diya. Ismein pradesh Congress ke adhyaksh nand Kumar Patel, unke bete dinesh Patel aur Mahendra karma samet kul 29 logon ki maut ho gayi hai. Congress ke diggaj neta vidyaacharan shukl ko bhi peeth mein teen goliyaan lagi hain. Unhein Gurgaon ke medaanta aspataal laaya gaya hai aur filhaal unki haalat gambhir magar sthir hai. Ghaayal Congress neta shivnaaraayan Dwivedi ne bataaya ki Congress netaaon ka kaafila rokane ke baad naksali ek-ek gaadiyon ke paas jaakar nand Kumar Patel, dinesh aur Mahendra karma ke baare mein poochhane lage. Jab sab khaamosh rahe to naksaliyon ne car se logon ko nikaal kar maarana shuroo kar diya. Iske baad Mahendra karma se naheen raha gaya aur vah car se nikal aae aur kaha ki main Mahendra karma hoon, mere saathiyon ko mat maaro. Iske baad naksaliyon ne unhein goliyon se chhalni kar diya. Ghatna mein ghaayal hue logon se charcha ke baad yah baat saamane aa rahi hai ki naksaliyon ki team baahar ki thi. Iski vajah yah hai ki ve log bastar mein naksaliyon ke hit list mein rahane vaale Mahendra karma tak ko naheen pahachaanate the. Ve nandakumaar Patel aur unke bete dinesh Patel ko bhi naheen pahachaanate the. Bhaasha ke savaal par graameenon ne kaha ki kuchh log hi baat kar rahe the. Baaki kaam ishaare se ho raha tha. Kai log munh par kapde baandhe hue the. Congress ki parivartan yaatr mein hamle ke peechhe dandakaaranya special jonal committee aur central committee ka haath hone ki soochanaaen hain. Khufiya agencyon ke mutaabik hamle mein maaovaadi commander ganapati, jonal committee ka sachiv ramanna, darabha ka commander vinod aur Andhra Orissa border committee ke sekretari gaganna shaamil the. Khufiya agencyon ke mutaabik is hamle ke liye rananeeti kareeb dedh maheene se banaai ja rahi thi. Iske liye ramanna ne seintrel committee ke ganapati se anumati li. Ganapati ka nirdesh milne ke baad is hamle ko anjaam dene mein gaganna aur vinod ne mahatvapoorn bhoomika nibhaai.


Cheen Ne Bhaarateeya Ilaake Mein 5 Kilometer Sadak Bhi Banaai

Cheen Ne Bhaarateeya Ilaake Mein 5 Kilometer Sadak Bhi Banaai

India »

Leh. . Cheeni pradhaanamantri li kh chhyaang bhale hi vaastavik niyantran rekha (elaesi) par yathaasthiti banaane ka vaada kar rahe hon, lekin vaastavikta kuchh aur hi hai. Cheen ne April mein Laddakh ke uttari chhor par na sirf elaesi par 19 kilometer bhaarateeya kshetr mein ghuspaith ki thi, balki 5 kilometer bheetar tak sadak bhi bana li thi. Sootron ke mutaabik, chhyaang ke Bhaarat daure se do din pehle 17 May ko cheeni sena ne bhaarateeya sena ke ek gashti dal ko elaesi tak naheen jaane diya tha. Bhaarateeya sena ke adhikaari jab cheen ke sainikon ke saath paida hue gatirodh ke liye flaig meeting kar rahe the, us samay cheeni sainik paanch kilometer lambi pakki sadak bichhaane mein jute hue the. Haalaanki, bhaarateeya raksha mantraalaya ne iski pushti naheen ki hai. Sootron ka kehna hai ki is ilaake mein 17 May ko donon taraf ki senaaen us samay aamne-saamane bhi aa gayi theen, jab cheeni sainikon ne bhaarateeya army ki ek gashti party ko rok liya aur use elaesi ki taraf naheen jaane diya. Iske baad army petrol elaesi ki taraf gaye bina laut gaya. Iske baad yah gashteedal laut aaya tha. Cheeni sainik us samay bhaarateeya ilaake mein hi the. Cheeni sena ki in gatividhiyon ke saamane aane se kendra sarkaar ke us daave par bhi savaal uthane lage hain , jismein kaha ja raha tha ki cheen ke saath Laddakh mein paida huaa sainya gatirodh door kar liya gaya hai.


Kal Jo Huaa Vah Narasanhaar Tha Naksaliyon Ne Kaayaraana

Kal Jo Huaa Vah Narasanhaar Tha Naksaliyon Ne Kaayaraana

India »

kal jo huaa vah narasanhaar tha. Naksaliyon ne kaayaraana harkat ki hai. Mahendra karma ki maut ka hamein dukh hai. Vah Chhattisgarh ke aadivaasi ilaakon mein vikaas ke kaamon mane poori shiddat se jute hue the. Jayaraam ramesh, keindreeya graameen vikaas mantri Chhattisgarh mein huaa yah veebhats hamla lokatantr par hamla hai. Aatankvaad aur naksalavaad ko ab jara bhi bardaasht naheen karne ka vakt aa gaya hai. Narendra Modi, Gujarat ke CM yah stabdh kar dene waali durbhaagyapoorn ghatna hai. Ham poori taakat se iski ninda karte hain. Sushma Swaraj, BJP leedar ham hinsa aur ek lokataantrik desh mein hatyaaon ke jariye raajaneetik satta haasil karne ki poori tarah ninda karte hain. Di. Raaja, CPI naishanal sekretari ham Chhattisgarh hamle ki ninda karte hain aur jo log maare gaye hain unke parivaaron ke prati sahaanubhooti jataate hain. Naksaliyon ko khatm karne ke liye kade kadam uthaae jaane ki jaroorat hai. Umar abdulla, Jammu-Kashmir ke seemae is hamle ne kanedr aur Chhattisgarh sarkaar ki khufiya naakaami ko saabit kar diya hai. Aajam Khan, SP leedar.


Pak Se Baatcheet To Naksaliyon Se Kyon Naheen Raman Singh

Pak Se Baatcheet To Naksaliyon Se Kyon Naheen Raman Singh

India »

Gulashan rai khatri. Nai Delhi Chhattisgarh mein Congressi leedaron par hue jaanleva hamle ki prushthabhoomi mein log yah jaroor jaanana chaaheinge ki naksalavaad par raajya ke CM raman Singh ki kya soch hai? Raman Singh, jo aajkal raajya ke voteron ko lubhaane ke liye vikaas yaatra kar rahe hain, kya ve apne vikaas model ko Gujarat model se behtar maanate hain? Aakhir unhein yah vikaas yaatra kyon karni padi? Aise tamaam savaalon ka raman Singh ne ek interview ke dauraan bebaaki se javaab diya. Savaal : Naksalavaad abhi bhi samasya bana huaa hai. Yah kam kyon naheen ho pa raha? Raman Singh : Naksalavaad ke janm ki vajah Congress ki neetiyaan hain. Yah 8-10 saal puraani naheen, balki 40 saal se chali aa rahi samasya hai. Ise sthaaneeya samasya maana gaya aur koi intigreted plaan naheen taiyaar kiya gaya. Hamaari koshishon se naksalavaad ka asar kam huaa hai lekin is masale par kendra ki bhoomika aham hai. Kendra sarkaar ko naksalavaad ke liye raajya star par naheen, balki raashtreeya star par baatcheet karni chaahiye. Jab ham Pakistan se baat kar sakte hain to naksaliyon se kyon naheen? Savaal : Kendra ki shikaayat hai ki BJP shaasit raajya sarkaarein unhein sahayog naheen deteen. Aatankvaad virodhi kaanoon enaseeteesi par aap apni manjoori dene ke liye taiyaar naheen hain. Raman Singh : Agar aatankvaad ke khilaaf kaanoon banta hai to kisi ko dikkat naheen hai. Haalaanki, iski aad mein raajya sarkaaron ke adhikaar naheen chheene jaane chaahiye. Agar ek sab-inspector ka kaam bhi kendra ki agency hi karegi to fir bacha hi kya? Aapko raajya ki police par to vishvaas karna hi padega. Raajya ki police ke log bhi desh ke hi log hain. Savaal : Chhattisgarh ki tarah hi Gujarat ke vikaas model ki bhi charcha hai. Aapko kya lagta hai, kaun sa model behtar hai? Raman Singh : Hamaari jarooratein alag tarah ki hain, jabki 30 saal se viksit raajya (Gujarat) ki jarooratein alag hain. Hamaara raajya 12-13 saal pehle hi astitv mein aaya hai. Hamein aarthik sansaadhanon ki jaroorat hai. Chhattisgarh desh ki jaroorat ka 20 feesadi steel ka utpaadan karta hai. Desh ki jaroorat ka 18 feesadi cement ka utpaadan ham karte hain. Ham apne model se lambi chhalaang lagaana chaahate hain. Savaal : To chunaav mein aap hindutv ke mudde ki bajaay divelapameint par jor deinge? Raman Singh : Chhattisgarh mein kabhi dange naheen hue. Yahaan saampradaayik tanaav naheen hai. Hamaari chinta yahi hai ki kis tarah se infrastructure ko divelap kiya jaae? Kaise rojagaar ke nae avsar paida kiye jaaen? Vaise dharm aur aastha se jude log hamaare raajya mein bhi hain, lekin ham unka raajaneetik istemaal naheen karte. Raajya sarkaar pehle hi 60 saal se jyaada umr ke bujurgon ko raameshvaram, shirdi jaise dhaarmik sthalon ki yaatra ke liye aarthik madad kar rahi hai. Savaal : Aamtaur par vipakshi dal hi yaatraaen nikaalate hain lekin aap mukhyamantri hone ke baavajood aisa kar rahe hain. Yaatra ko 'Vikaas yaatra' naam kyon diya gaya? Kya aapko apne kaam par bharosa naheen hai? Raman Singh : Aisa naheen hai. Main chaahata tha ki har gaanv mein rah rahe logon ko yojanaaon ka laabh mile. Har aadmi chaahata hai ki mukhyamantri unke gaanv mein aae. Helikauptar se safar karta to har ilaake mein naheen ja paata. Isi vajah se mainne yaatra nikaalne ka faisala kiya. Yaatra ke jariye main raajya ki 90 mein se 81 vidhaanasabha kshetron mein jaakar seedhe logon se roobaroo ho raha hoon. Is yaatra ke saath main kai nai yojanaaen bhi shuroo kar raha hoon, isliye ise vikaas yaatra ka naam diya gaya hai. Savaal : Aap 10 saal se CM hain. Chunaav sir par hain aur aap vikaas ke daave karte hain. Kya vaakai vikaas huaa hai? Raman Singh : Humne vikaas ke kai kaam kiye hain, lekin aisa naheen hai ki aage aur kaam kiye jaane ki jaroorat naheen. Humne chhote jile banaaen hain, taaki kaamkaaj teji se ho sake. Naya Raipur ban raha hai lekin aur kaam hona hai. Ham bajat ka 40 feesadi hissa social sector par kharch kar rahe hain, taaki gareeb logon ko faayda pahunche. Ham kisaanon ko naamamaatr ki byaaj dar par loan day rahe hain aur fasal par bhi bonas diya ja raha hai. PDS system ke baare mein bhi sabhi jaante hain. Haalaanki, main maanata hoon ki abhi bhi hamaare yahaan infrastructure utana majaboot naheen hai, jitna hona chaahiye. Savaal : Aksar gair UPA sarkaaron ko kendra ki sarkaar se shikaayat rahati hai. Kya aapko kendra se poora sahayog mil raha hai? Raman Singh : Yah ek gambhir samasya hai. Ham jo kar rahe hain, apne raajya ke logon ke dam par kar rahe hain. Hamein sarkaar se fund chaahiye, lekin milta naheen. Pichhle 9 saal mein hamaare raajya mein ek bhi nai rel line ko manjoori naheen di gayi. NHAI ke liye fund chaahiye lekin faisala naheen huaa. Agar ham result day rahe hain to hamaare saath anyaaya naheen hona chaahiye. Ham paise ka sahi istemaal kar rahe hain. Savaal : To kya aap kendra se raajya ke liye vishesh darja chaahate hain? Raman Singh : Plaining kamishn bhale hi hamein vishesh raajya ka darja na day, lekin vah yah to yaad rakhe ki hamaare raajya mein 32 feesadi aadivaasi hain. Kam se kam aadivaasi bahul ilaake ke vikaas ke liye to alag se fund milna chaahiye. Jis tarah se kendra ne udeesa ke kaalaahaandi ke liye alag yojana di, vaisi hi yojana hamein bhi milni chaahiye.


Justice Raveendran Honge Enabeeesae Ke Agale Cheyaraparsan

Justice Raveendran Honge Enabeeesae Ke Agale Cheyaraparsan

India »

PTI . Nai Delhi : Supreme court ke poorv judge aar. Vi. Raveendran news braudakaasting staindards athauriti (enabeeesae) ke agale cheyaraparsan honge. Enabeeesae ek indipeindeint aur self-regyuletari baudi hai jiska gathan news braudakaastars asosiyeshan (enabeee) aur pramukh news channelon ne kiya hai. Enabeee ki taraf se jaari ek bayaan mein kaha gaya, poorv Justice raveendran ne enabeeesae ke pramukh banane ke aamantran ko sveekaar kar liya hai. Isse pehle Supreme court ke poorv cheef Justice J. S. Varma athauriti ke adhyaksh the.


Rajasthan Mein Pak Ghusapaithiya Dher

Rajasthan Mein Pak Ghusapaithiya Dher

India »

PTI . Bikaner : Rajasthan ke shreegangaanagar mein seema paar kar Bhaarat mein ghusne ki koshish kar rahe Pakistan ke ek ghuspaithiye ko BSF ne shanivaar ko maar giraaya. Sootron ne bataaya ki is shakhs ki umr 35 saal ke kareeb thi. Vah seema paar kar Bhaarat mein ghus chuka tha. Jab BSF ki patrolling party ne use rukane ko kaha to usane baat naheen maani jiske baad use goli maar di gayi. Police circle afsar raajeindr Singh ne kaha, ghuspaithiye ke paas se koi aapattijanak saamaan naheen mila.


Dihaadi Ke Daamaad

Dihaadi Ke Daamaad

India »

aalok puraanik . Ab daamaadon se sasur ghane pareshaan ho rakhe hain, sasuri kursi pe aanch aa rahi hai sasuron ki. Munni badnaam bhar ho jaae, daamaad ke liye to koi ishoo naheen hai, par ab to kursi hi khatre mein aane lagi hai. Daamaad sambandhi niyamon mein badlaav kis tarah ke hon, inhein nimnalikhit case stadi ke jariye samajhaaya jaaega. Jaise ek satta-ghar mein daamaad aur sasur donon baithakar satta khila rahe hain, matake ke jariye. Sattebaaj aa rahe hain, parchi likhkar matake mein daal rahe hain. Sasur matake ko hila rahe hain, daamaad parchi ka number nikaalkar aaj ke satte ke result ghoshit kar rahe hain. Yakaayak police pahunch jaati hai aur daamaad ko dhar leti hai- daamaadaji sattebaaji karte ho. Sasuraji aap bhi shaamil ho, sattebaaji mein. Sasuraji kah rahe hain- na mera isse koi lena-dena naheen hai. Main to mataka hila raha tha, bas yoon hi. Police kah rahi hai- sasuraji sattebaaji ke is adde ko banaane ke liye cement to aapki farm se hi aaya hai. Sasuraji spashteekaran day rahe hain- ab ye daamaad naheen hai mera. Ye dihaadi ka daamaad hai. Kal tak daamaad tha. Aaj subah ise daamaad pad ka niyukti-patra na diya gaya, isliye abhi aap isse mera koi rishta saabit naheen kar sakte. Police sirf daamaad aur apna sa munh lekar laut jaati hai. Baad mein sasuraji kisi aur se mataki se number niklavaate dikhte hain. Daamaad sankat se bachane ke liye kuchh nai kaitigri taiyaar ki ja sakti hain -edahaak-daamaad, kaaryakaari-daamaad, kauntraikt vaala daamaad, of-di-rekaurd-daamaad, paden-daamaad, maanyata-praapt daamaad, gair-maanyata-praapt daamaad, daily paramitvaala-daamaad, saal ke laaiseinsavaala-daamaad, sirf faimili-daamaad, sirf business-daamaad, business-faimili miks paik-daamaad, bas daamaad ka status paramaaneint ka na ho. Ek daamaad-rajistreshan service bane, jismein har bada aadmi apne daamaadon ka rajistreshan karva day. Har minute daamaad ka status update ho. Jaise subah daamaad kauntraikt par the, ab ghapale mein bhaage, to status hai - teinparerali out of service. Kya kaha - daamaad ko paramaaneint na dikhaaya jaae, to ijjat kam ho jaaegi. Paramaaneint is jahaan mein kuchh bhi naheen saahab , aur ijjat to gayi hai kamaai karne.


DU FMS Mein IBM Ka Naya Course

DU FMS Mein IBM Ka Naya Course

India »

bhoopeindr . Nai Delhi Delhi university ki faculty of management stadeej (efaemaes) ne July 2013 session se emabeee leval par ek nae course ko shuroo karne ka prapojal taiyaar kiya hai. Course ka naam igjekyootiv emabeee in intaranaishanal business management (ful time) rakha gaya hai. Course ko iemabeee-aaibeeem ke naam se bhi jaana jaaega. Course se jude prapojal ko 27 May ko hone waali akaidamik kaaunsil ki special meeting mein rakha jaaega. Faculty ke prapojal ke mutaabik, Indian aur global ikaunami ki padhaai ko course strakchar mein shaamil kiya gaya hai. Saath hi intaranaishanal market ki demand ko bhi dhyaan mane rakha gaya hai. Course mein students ko online stadi mateeriyl bhi diya jaaega. Course ka model alag : Pehle semestar mein faculty mein regular klaasej hongi. Second semestar mein shukravaar, shanivaar aur ravivaar ko hi klaasej hongi. Thard semestar ki klaasej videsh mein kisi intaranaishanal business school mein hongi. Chauthe semestar ki klaasej vaapas efaemaes mein shukravaar se ravivaar chaleingi. . . . . . . . . . . . Edamishn ke liye jaroori keval vahi kaindidet aplaai kar sakte hain, jinke graijueshan mein kam se kam 45 parseint maarks hain. Art, Commerce, science, kisi bhi streem ke students course ke liye aplaai kar sakte hain. Kisi rajistard organization mein kaam karne ka kam ke kam 8 saal ka anubhav bhi hona chaahiye. Spain peeriyd 4 saal hoga yaani rajistreshan ke det se 4 saal ke andar student ko saare pepar paas karne honge. Course strakchar finance maarketing, praudakshan end opareshans management, teknaulaji management, service management, inoveshan management, project management padhaaya jaaega. Haajiri ka fanda 75 parseint minimm ateindeins jaroori , intaranal asesameint ke number honge tay ateindeins ( parseint mein ) intaranal asesameint mein maarks 100 5 91-99 4 81-90 3 75-80 2.


Bansal Ne Thekedaaron Ko Laabh Pahunchaaya BJP

Bansal Ne Thekedaaron Ko Laabh Pahunchaaya BJP

India »

PTI. Chandigarh BJP ne aarop lagaaya hai ki rel mantri pavan Kumar bansal ne license fees mein katauti karke catering thekedaaron ko faayda pahunchaaya. Isse railway bada faaineinshal nuksaan pahuncha hai. BJP ki igjekyootiv committee ke meinbar satyapaal jain ne shanivaar ko kaha ki bansal ne thekedaaron ko faayda pahunchaane ke liye rajdhani, shataabdi jaisi kai trainon mein catering license fees mein gairkaanooni tareeke se 10-15 feesadi tak ki katauti kar di. Isse railway ka bada ghaata huaa hai. Jain ne aarop lagaaya ki pehle catering thekedaaron ko ek karod rupaye ke theke ke liye 15 lakh rupaye license fees jama karni padti thi. Ab unhein keval 10 lakh rupaye hi dene hote hain. Is tarah unki 5 lakh rupaye ki bachat hoti hai. Chandigarh se saansad rah chuke satyapaal jain ne aarop lagaaya ki bansal ne jab rel mantraalaya ko chaarj sambhaala to thekedaaron ko aune-paune daamon par railway ki jameenein di gayi. Iska saaf maksad unhein faayda pahunchaana tha. Thekedaaron ko kichn banaane ke liye ek rupaye square feet ke hisaab se saalaana land fees li gayi. Isse railway ko kaafi choona laga. Jain ne is maamale ki jaanch ki maang ki hai.


Bheeshan Garmi Ka Kahar Jaari, 8 Logon Ki Jaan Gayi

Bheeshan Garmi Ka Kahar Jaari, 8 Logon Ki Jaan Gayi

India »

nai Delhi. . Desh ke adhiktar hisson mein chilchilaati dhoop aur bheeshan garmi ke kaaran dopahar mein sadkon par sannaata pasar ja raha hai. Jaanleva garmi se Punjab aur Haryana mein 8 logon ki jaan chali gayi. Kshetr mein garmi ke bheeshan se pichhle teen dinon mein Punjab mein 6 aur Haryana mein do logon ki jaan gayi hai. Rajdhani Delhi mein paara 43.5 degree celcius tak chadh gaya jo saamaanya star se teen degree adhik hai. Haalaanki yah shukravaar ko 45 degree tak pahunch gaya tha. Punjab aur Haryana kshetr mein hisaar 46 degree adhiktam taapamaan ke saath sabse garm sthal raha jabki ludhiyaana mein adhiktam taapamaan 44.6 degree darj kiya gaya. Garmi kaaran byaas, raavi aur satalaj sahit Punjab ki adhiktar nadiyon ka jal star ghat raha hai. Bhaakhada aur paang baandhon mein paani 10 fut tak ghata hai. Rajasthan mein bhi chubhane waali garmi ka daur jaari hai. Raajya mein churoo 45.3 degree taapamaan ke saath sabse garm sthaan raha. Mausam vibhaag ke mutaabik shreegangaanagar mein adhiktam taapamaan 44.4 degree, Jaipur mein 43.4 degree, Bikaner mein 42.8 degree, baadmer mein 41.4 degree darj kiya gaya. Uttar pradesh mein bijli ki bhaari katauti ne logon ke liye garmi ki tapish ko aur badha diya hai. Haalaanki raajya ke kai sthaanon mein paare mein maamooli giraavat darj ki gayi. Raajya mein itaava 46.9 degree ke saath sabse garm sthaan raha. Jhansi, Agra aur Meerut diveejan mein taapamaan saamaanya se adhik raha jabki Allahabad, Lucknow, bareli, Varanasi, faijaabaad diveejan mein taapamaan mein giraavat I. Maharashtra ke Nagpur mein taapamaan mein giraavat I aur yahaan adhiktam taapamaan 44.9 degree raha jabki shukravaar ko yah 46.3 degree tha. Haalaanki Vidarbh kshetr ke adhiktar bhaagon mein taapamaan 40 degree se oopar bana raha. Pashchimi Orissa bhi bheeshan garmi ki chapet mein raha. Jhaasuguda mein adhiktam taapamaan 46.7 degree darj kiya gaya jabki taalachar mein yah 46.2 degree, heeraakud mein 46.1 degree aur bolangeer mein yah 46 degree darj kiya gaya. Madhya pradesh ke khajuraaho aur navaangaav adhiktam 47 degree ke saath sabse garm sthal rahe.


Raman Singh Bhi Chale Modi Ki Raah

Raman Singh Bhi Chale Modi Ki Raah

India »

gulashan rai khatri Raipur. . Vidhaanasabha chunaav mein jeet ki hattrick lagaane ki kavaayad mein jute Chhattisgarh ke mukhyamantri raman Singh is baar dotarafa faurmyule par kaam kar rahe hain. Vah ek or janta ko rijhaane ke liye na sirf unke beech jaakar yojanaaon ka ailaan kar rahe hain to doosari taraf usi tarah se apne raajya ki brainding karne mein jute hain. Unki brainding ka yah tareeka Narendra Modi se hi milta julata hai. Yahi naheen, jis tarah se mukhyamantri ki vikaas yaatra mein raashtreeya netaaon ke poster aur banner nadaarad hain, usase yah bhi saaf hai ki unki koshish hai ki is baar chunaav mein netaaon se jyaada Chhattisgarh model ki charcha ho aur vahi chunaavi mudda bane. Daraasal, chunaav se theek 6 maheene pehle raman Singh in dinon vikaas yaatra kar rahe hain. Is yaatra ke jariye ve ek saath do nishaane saadh rahe hain. Ek or ve na sirf raajya ke alag-alag hisson mein yojanaaon ki shuruaat kar rahe hain balki ve kalyaanakaari yojanaaon ke tahat khud hi jaakar check bhi vitrit kar rahe hain. Raajya ke BJP netaaon ka kehna hai ki iski vajah saaf hai ki janta ko yah pata chalana chaahiye ki unhein kiski vajah se faayda mil raha hai. Unhonne bhi Modi ki tarah hi plaining ke saath kaam kar rahe hain aur apni yojanaaon ka prachaar karne ke liye pablik rileshans agencyon jaise hathiyaar bhi istemaal kar rahe hain. Haalaanki Chhattisgarh mein ek fark yah jaroor dekhne mein aa raha hai ki yahaan Gujarat ki tarah vikaas model par jor naheen diya ja raha balki PDS ki tarah hi social sector ki yojanaaon ke baare mein jaankaari di ja rahi hai. Chhattisgarh mein raman Singh ki brainding ek aur roop mein bhi saamane aa rahi hai aur vah yahi hai ki unki vikaas yaatra mein poster se lekar banner aur hording tak mein agar chhaae hain to raman Singh hi. Poori tarah se filhaal prachaar raman Singh ke boote par hai aur yahi koshish hai ki raman Singh ke naam par hi chunaav hon.


Poorniya Mein Mukhiya Ke Pati Ko Jinda Jalaaya

Poorniya Mein Mukhiya Ke Pati Ko Jinda Jalaaya

India »

Patna. . Bihar ke poorniya ke dhamadaaha thaana kshetr ke baluaa panchaayat mein jameen ko lekar hue vivaad mein aadivaasiyon ne mukhiya cheemo devi ke pati jaineindr Kumar urf jaina mandal ko jinda jala diya. Aadivaasiyon ne mukhiya ke pati ko unke int bhatthe ke paas se uthaaya aur ghaseetate hue vahaan se kareeb 200 meter door le gaye. Iske baad chita par litaakar pehle pitaai ki aur fir jinda jala diya. Police ne jaina mandal ki hatya ke aarop mein 15 mahilaaon samet 35 logon ko giraftaar kiya hai. Mukhiya cheemo devi ki soochana par police vahaan pahunchi aur aag bujhaakar jaina mandal ke avashesh ko vahaan se ikattha kar thaane le I. Badi sankhya mein police balon ki maujoodagi ke baad bhi aadivaasi vahaan morcha daale hue the. Ghatna ke baad gaanv mein tanaav vyaapt hai. Poorniya ke SP aur DM ne bhi ghatnaasthal ka daura kiya hai. Bataaya jaata hai ki aadivaasiyon aur jaina mandal ke beech kareeb 17 ekad bhoomi ko lekar pichhle chaar saalon se vivaad chal raha tha. Aadivaasiyon ne kareeb do saal pehle is jameen par lagi kele ki fasal ko nasht kar apna kabja jama liya tha. Iske baad jaina ne Patna haai court mein arji daayar ki thi. Adaalat ne jaina ke paksh mein faisala sunaate hue prashaasan ko aadesh diya tha ki kabja mukt karaakar unhein jameen saunpi jaae. Iske baavajood aadivaasiyon ne jameen chhodne se inkaar kar diya tha. Shukravaar ko jaina mandal JCB lekar vivaadit jameen ke paas sthit apni jameen par mitti katava rahe the. Isi dauraan lagbhag do sau aadivaasiyon ne un par hamla bol diya. Jaina mandal ke saath vishnapur panchaayat ke up mukhiya amar Kumar mandal ko bhi aadivaasiyon ne bandhak bana liya aur maarapeet karte hue apni basti ki taraf kheenchakar le gaye, lekin vah kisi tarah bhaag nikle. Poorniya ke prabhaari SP manoj Kumar ne kaha ki vah ghatnaasthal par DM ke saath camp kar rahe hain. Is maamale mein kuchh aur logon ki giraftaari ho sakti hai.


Gale Ko Bukeej Ne Gift Ki Thi 4.5 Lakh Ki Joolari

Gale Ko Bukeej Ne Gift Ki Thi 4.5 Lakh Ki Joolari

India »

Nai Delhi. . IPL maichon mein fixing ko lekar charcha mein aae Jaipur ke bukeej joolars pavan aur sanjaya ne royal Challengers, Bengaluru ke visfotak opener kris Gale ko apne shoroom par bulaakar saadhe chaar lakh rupaye ki joolari gift ki thi. Police ab yah jaanch kar rahi hai ki kya is gift ka fixing se koi sambandh hai ya naheen. 29 April ko Jaipur mein Bengaluru aur Rajasthan Royals ka match tha. Iske ek din baad kris Gale tonk rod sthit moti sons ke shoroom gaye the aur vahaan kareeb ek ghante ruke the. Isi dauraan pavan aur sanjaya ne unhein jevaraat gift kiye the. Is shoroom par spot fixing mein fanse S. Shreeshaant aur vindoo daara Singh bhi aa chuke hain. Vindoo ki sanjaya se aksar phone par lambi baatcheet hoti thi. Jaankaari ke anusaar, Gale ko moti sons ke shoroom mein le jaane mein bhi vindoo ka rol tha. Jab spot fixing ka maamala saamane aaya to vindoo ne in donon bukeej ko yahaan se dubai bhaagane mein madad bhi ki thi. Sattebaaji ko lekar Rajasthan ke kam se kam 20 joolars sandeh ke daayare mein hain. Mumbai aur Delhi police in joolars ka kachcha chittha khangaal rahi hain. Is beech, shreeshaant ka ek aur ladki se kanekshan saamane aaya hai. Shreeshaant ne Jaipur ki hi ek aur ladki ko mahanga mobile phone gift kiya tha. Delhi police ke special sel ki team ne shukravaar ko Jaipur mein us ladki ke ghar jaakar vah phone bhi baraamad kar liya. Isse pehle somvaar ko police team shreeshaant ko Jaipur le gayi thi, jahaan unki garlafreind saakshi jhaala se kareeb 42 hajaar ka vah blackberry Z-10 phone baraamad kiya tha, jo shreeshaant ne gift kiya tha.


Jharkhand Mein Sarkaar Naheen Chunaav Chaahati Hai Congress

Jharkhand Mein Sarkaar Naheen Chunaav Chaahati Hai Congress

India »

manjari chaturvedi . Nai Delhi raashtrapati shaasan ke daur se gujar rahe Jharkhand mein vidhaanasabha chunaavon ki sambhaavnaaen aur tej ho gayi hain. Congress upaadhyaksh Rahul Gandhi ne Jharkhand mukti morcha (jeemaem) ke saath sarkaar banaane ki sambhaavnaaon par viraam lagaate hue party vidhaayakon se chunaavi taiyaariyon mein jut jaane ko kaha hai. Rahul ne shukravaar ko raajya ke vidhaayakon, prabhaari aur netaaon ke saath hui meeting mein is baabat mansha jaahir ki. Sarkaar banaane ki maang : Congress haaikamaan ke paas Jharkhand se lagaataar raajya mein sarkaar banaane ki maang aati rahi hai. Kabhi raajya ke nirdaleeya vidhaayak aakar aisi maang karte hain to kabhi yah maang khud party vidhaayakon ki taraf se aati rahi hai. Shukravaar ki meeting mein jab Rahul ne vidhaayakon se Jharkhand ke baare mein unki rai jaanani chaahi to unhonne ek sur mein kaha ki party ko raajya mein sarkaar banaane ki disha mein aage badhna chaahiye. Sootron ke mutaabik, vidhaayakon ne Rahul se gujaarish ki ki vah koi bhi raasta nikaalkar vahaan sarkaar banaane ki soorat banaaen. Haalat hui kharaab : Vidhaayakon ka kehna tha ki pichhle chhah maheenon mein unki aarthik haalaat bahut kharaab ho chuki hai. Saath hi raajya ka raajanaitik maahaul bhi bahut asthir ho raha hai. Unka kehna tha ki agar is baar sarkaar naheen bani to unka dobaara satta mein aana bahut mushkil hai. Vidhaayakon ne ekasaath kaha ki unke aarthik haalaat aise naheen rahe hain, jismein ve dobaara chunaav ka saamana kar sakein. Rahul ne unki baat sunane ke baad raajya ke keindreeya prabhaari shakeel Ahmad se is baare mein asli haalaat sabko bataane ke nirdesh diye. Ahmad ne vidhaayakon ke saamane jeemaem pramukh shiboo soren ke bete hemant ki maang saamane rakhi, jismein jeemae ne kaha tha ki sarkaar banane ki sthiti mein soren hi CM honge. Jaahir hai, Congress ko yah maang sveekaar naheen hai. Rahul ne samajhaai sthiti : Rahul ne vidhaayakon ko samajhaaya ki raashtreeya star par pehle se hi corruption se joojh rahi Congress ke liye behtar yahi hoga ki vah jeemaem ke saath sarkaar banaane ki apeksha janaadesh ke liye chunaav mein utare. Daraasal, corruption ko lekar jeemaem ki daagi chhavi raajya mein uske saath gathabandhan ke liye Congress ki hichk ki sabse badi vajah ban rahi hai. Rahul ke is dotook rai ke baad abhi bhi raajya ke vidhaayak poori tarah naaummeed naheen hue hain. Unhonne soniya Gandhi se milkar is baare mein ek aakhiri koshish karne ka faisala kiya hai.


UP Ke 93 Degree College Maas Cheeting Ke Doshi

UP Ke 93 Degree College Maas Cheeting Ke Doshi

India »

PTI . Kanpur chhatrapati shaahooji mahaaraaj university ke 2012-13 ke andaragraijuet aur postagraijuet egjaam mein 93 degree collegeon ko kathit taur par saamoohik nakal ke liye university ki or se notice bheje jaaenge. University ki egjaam committee ne jaanch mein in collegeon mein saamoohik nakal ke aaropon ki jaanch ki thi, jismein ye aarop sahi paae gaye the. In kaulejo mein sabse jyaada college Allahabad aur kaushaanbi ke hain. Kanpur university ke vaais chaansalar pro. Ashok Kumar ne bataaya ki egjaam committee ki baithak mein paaya gaya hai ki 93 college aise hain jin par saamoohik nakal (maas cheeting) ka aarop hai, jinhein jaanch mein sahi paaya gaya hai. Inamane sabse jyaada ek darjan college Allahabad ke, ek darjan college kaushaanbi jilon ke hain. Iske alaava haradoi, fatehapur, itaava, auraiya, raayabareli, unnaav, Lakhimpur aur seetaapur aise jile paae gaye hain, jahaan saamoohik nakal ke aarop paae gaye hain. Unhaanene kaha ki in sabhi 93 collegeon ko somvaar 27 May ko notice bheja ja raha hai taaki college apna paksh rakh sakein. Agar inke javaab se university santusht naheen hui to in collegeon ke khilaaf anushaasanaatmak kaarravaai ki jaaegi. In vidyaalayon ki pareeksha agale satr se karaai ja sakti hai ya koi aur kaarravaai ki ja sakti hai, iska faisala pareeksha samiti legi.


Prospektas Ab Hoga Kanpleet Package

Prospektas Ab Hoga Kanpleet Package

India »

manjari chaturvedi . Nai Delhi aane vaale dinon mein agar aapko yoonivrsiteej aur collegeon ka prospektas bhaari-bharakam mile to hairaan na hon. Daraasal, is saal se desh ke sabhi collegeon aur yoonivrsiteej ko apne prospektas mein na sirf apne yahaan padhaae jaane vaale korseej, edamishn ki prakriya, yogyata, ekstra karikular ektiviti aur apne sansthaan se judi saamaanya jaankaari deni hogi, balki usamein fees strakchar se lekar faculty sahit apne saare infrastructure ki jaankaari hogi. Itna hi naheen, ismein faculty ki kvaulifikeshan se lekar unka anubhav tak sabkuchh shaamil hoga. Shikaayaton ke baad uthaaya kadam edamishn ka mausam shuroo hone se pehle university graant kamishn (yoojeesi) ne baakaayada notification jaari karke desh bhar ke college aur yoonivrsiteej ke liye kuchh niyam banaae hain. Sootron ke mutaabik, edamishn ke dauraan prospektas sahit edamishn aur prachaar-prasaar mein ho rahi dhaandhaliyon ki tamaam shikaayatein aane ke baad yoojeesi ne yah kadam uthaane ka faisala kiya. Yoojeesi ne in niyamon ko yoojeesi regyuleshan (greevanaas ridresal) 2012 ke tahat laagoo karne ka faisala kiya hai. Iske mutaabik yoojeesi ke tahat aane vaale sabhi keindreeya aur raajya star ki yoonivrsiteej aur yoojeesi se jude hue collegeon ko iska paalan karna hoga. Is baare mein pichhle dinon sabhi sansthaanon ko yoojeesi ki or se sarkular jaari kiya gaya tha. Milegi chhoti se chhoti jaankaari sarkular mein saaf taur par kaha gaya ki sabhi sansthaanon ko apne prospektas mein edamishn se judi prakriya ke saath-saath edamishn se judi sabhi jaroori baatein bataani hogi. Ismein saamaanya cheejon ke alaava fees ka poora ditel, fees se itar chaarjej, lab, sports, haustal aur laaibreri jaisi suvidhaaon ki vaastavik jaankaari ke saath-saath teechars se judi jaankaari, masalan, unki shaikshanik yogyata, anubhav, teechars parmaaneint hain ya vijiting jaisi jaankaari bhi deni hogi. Yoojeesi ke nirdeshon mein kaha gaya hai ki prospektas par sansthaanon ko na sirf iski printing ki keemat chhaapani hogi, balki ve iske munaafe ko dekhte hue keemat bahut jyaada naheen rakh sakte. Dekhne mein aata hai ki college prospektas ki oolajalool keemat vasoolate hain. Students ke liye ombasdamain iske alaava, sansthaanon se aane waali shikaayaton aur gadbadiyon ko dekhte hue yoojeesi ne sabhi sansthaanon ko nirdesh diya hai ki ve apne yahaan anivaarya roop se greevaans ridraisal committee gathit karein. Students se judi dikkaton aur shikaayaton ke niptaare ke liye ombasdamain ki niyukti ki baat bhi kahi gayi hai. In donon ki jaankaari bhi prospektas mein deni hogi. Ombasdamain edamishn mein hone dikkaton, unke saath hone vaale kisi tarah ke bhedabhaav, kisi tarah ki atirikt paison ki maang, result mein deri ya kisi tarah ke utpeedn se judi shikaayaton ko dekheinge. Website par deni hogi jaankaari iske alaava , sabhi sansthaanon ko prospektas mein di gayi takareeban saari jaanakaariyaan apni website , notice board aur media mein prakaashit vijnyaaapanon mein deni hogi. Itna hi naheen , yoojeesi ki or se jaari nirdeshon mein saaf kaha gaya hai ki nirdeshon ka theek tarah se paalan na hone par ya inmein kotaahi barte jaane par yoojeesi sansthaan ke khilaaf kade kadam uthaane ka faisala bhi kar sakti hai , jismein usaki graant rokane se lekar usaki sanbaddhata khatm karne jaise faisale ho sakte hain.


'Tel Ke Khel Par Seeseeaai Ki Najar

'Tel Ke Khel Par Seeseeaai Ki Najar

India »

Joseph barnaad . Nai Delhi : Kanpateeshan kamishn of India (seeseeaai) ki najar sarkaari tel companiyon par hai. Sootron ke mutaabik, seeseeaai ne tel companiyon ke kaarobaar, ghaate se jude aankadaane ke saath-saath company dvaara petrol aur diesel ke daamon mein ki gayi badhotri ki jaanch shuroo kar di hai. Seeseeaai dekhega ki tel companiyon ne ghaate se jude jo aankade sarkaar ko saunpe, ve kitne sahi aur tarkasangat hain? In aankadon ke aadhaar par petrol aur diesel ke daamon mein ki gayi badhotri kitni sahi thi? Yah bhi pata kiya jaaega ki companiyon ko jo subsidy di gayi, vah kitni sahi thi? Aankadon par sandeh : Daraasal, Oil sector ke sarkaari niyantran ke baahar jaane ke baad se companiyon ke kaarobaari aankadon par vitt mantraalaya ko kaafi sandeh raha hai. Chidambaram ne vitt mantri banane ke baad tel companiyon ko yah tak kah diya tha ki ve ghaate ka aakalan ka paimaana badle. Sootron ke anusaar, seeseeaai ki jaanch se sarkaar dekhna chaahati hai ki tel companiyaan ghaate aur subsidy ko lekar kaheen aankadon ka khel to naheen khel rahi hain.