Ear India Ke Piloton Ne Kaha Vetan/bhatte Ke Tanaav Se Prabhaavit Ho Sakti Hai Udaan Suraksha

Ear India Ke Piloton Ne Kaha Vetan/bhatte Ke Tanaav Se Prabhaavit Ho Sakti Hai Udaan Suraksha

Business »

Mumbai, 20 January (bhaasha) air India ke piloton ke ek sangh ne vetan bhugataan mein vilamb par chinta jataate hue kaha hai ki vitteeya tanaav ka udaan suraksha par asar pad sakta hai. air India ke chaude (seaton ke beech do raaste vaale) vimaanon ke piloton ke sangh Indian pilots gild ne naagar vimaanan mahaanideshaalaya (DGCA) ke saamane yeh mudda uthaaya hai. Usaki or se yeh bhi kaha gaya hai ki airline prabandhan vitteeya ghaate ke bahaane avaidh tareeke se lagaataar unki seva sharton mein badlaav kar raha aur pichhle bakaayon aur ovarataaim ka bhugataan bhi rok raha hai. gild ne kaha, ''Ham pehle se apni seva sharton aur saadhaaran adhikaaron ke liye kai kaanooni vivaadon mein fanse hain. Aise mein hamaara vetan bhi rok liya jaae aur company prabandhan ki sanak ke chalte usamein kami kar di jaae to kisi insaan ke liye itne saare tanaav ko vimaan ke cockpit se baahar rakh paana mushkil hai. '' is gild mein kareeb 700 pilot sadasya hain. DGCA ko likhe ek patra mein samooh ke mahaasachiv captain ke. Jayakumaar ne kaha ki is tarah lambe samay tak vitteeya asthirta bane rahana udaan ki suraksha ke liye sahi naheen hai. Pichhle chhah maah se hamaara vetan naheen diya gaya hai. unhonne kaha, ''Hamaara January ka mehanataana abhi tak naheen diya gaya hai. Yahaan tak ki aadha maheena beet chuka hai aur abhi tak hamein spasht javaab naheen mila hai ki hamaara bhugataan kab hoga.


Bajat Ph. D Chaimbar Ko Aagaami Bajat Mein Krushi Kshetr Mein Sudhaar Ki Ummeed

Bajat Ph. D Chaimbar Ko Aagaami Bajat Mein Krushi Kshetr Mein Sudhaar Ki Ummeed

Business »

Nayi Delhi, 20 January (bhaasha) udyog mandal Ph. D. Chaimbar ne ravivaar ko kaha ki aagaami antarim bajat mein use krushi kshetr mein sudhaar aur pratyaksh karon ko aur taarkik banaaye jaane ki ummeed hai. Ph. D. Chaimbar ne bayaan jaari kar kaha, “avartamaan sarkaar ke pichhle paanch bajaton mein arthavyavastha ke har varg par dhyaan diya gaya hai. Ham aagaami bajat satr mein bhi kai kshetron mein sudhaar ki ummeed kar rahe hain. ” ummeed hai ki kendra ki maujooda sarkaar ek February ko sansad mein apna aakhiri bajat pesh karegi. chamber ke bayaan mein kaha gaya hai ki sarkaar dvaara jeeesati daron mein kami ke saath apratyaksh kar sangrah mein lagaataar vruddhi is baat ki or ishaara karta hai ki desh mein kar aadhaar badh raha hai evam aarthik gatividhiyon ka teji se vistaar ho raha hai. Bayaan mein kaha gaya hai ki is padaav par desh mein nivesh ke maahaul ko aur behtar banaane evam maang mein vruddhi ke liye jaroori hai ki aarthik morche par adhik saahasi faisale kiye jaaen.


Spectrum Shulk Chukaane Ke Liye Vodaafon-idea Ne Maanga Atirikt Samay

Spectrum Shulk Chukaane Ke Liye Vodaafon-idea Ne Maanga Atirikt Samay

Business »

Nai Delhi Doorasanchaar seva pradaata vodaafon idea ne apne oopar is samay bade karj aur baileinsasheet par dabaav ka havaala dete hue sarkaar se kareeb 10,000 karod rupaye ke saalaana spectrum shulk ke bhugataan ke liye do saal ki aur mohlat maangi hai. Ek varishth adhikaari ne bataaya, 'Doorasanchaar vibhaag ko vodaafon-idea ki or se anurodh mila hai, jismein usane neelaami mein khareede gaye spectrum ke bhugataan ke liye do varsh ki atirikt raahat ki maang ki hai. Anurodh ki jaanch ki ja rahi hai aur kisi bhi nirnaya tak pahunchane se pehle anya mantraalaya aur vibhaag bhi iski jaanch kareinge aur is par vichaar kareinge. ' Vodaafon ko is saal 10,000 karod rupaye ka bhugataan karna hai. Sampark kiye jaane par vodaafon idea ke pravakta ne kaha, '1.3 arab bhaarateeyon ki dijitlon jarooraton ko poora karne ke liye doorasanchaar vibhaag bahut mahatvapoorn hai. Isliye yeh jaroori hai ki kshetr mein kai seva pradaata hon aur ve aarthik roop se majaboot ho taaki ve logon ko vikalp pesh kar sakein, svasth pratispardha sunishchit ki jaae aur spectrum jaisi raashtreeya sampattiyon ka aakalan sahi tareeke se kiya jaae. '


Vibrant Gujarat Is Saal 28 Hajaar Se Adhik MOU Par Hue Hastaakshar

Vibrant Gujarat Is Saal 28 Hajaar Se Adhik MOU Par Hue Hastaakshar

Business »

Gandhinagar, 20 January (bhaasha) Gujarat ke mukhyamantri vijay roopaani ne ravivaar ko kaha ki is saal ke vibrant Gujarat shikhar sammelan ke dauraan 28,360 samjhauta jnyaaapanon par hastaakshar kiye gaye. Unhonne kaha ki in samjhauton se 21 lakh se adhik rojagaar ke srujan ki sambhaavana hai. haalaanki, roopaani ne yeh spasht naheen kiya ki in MOU ke jariye raajya ko kitni raashi ka nivesh haasil hua. teen dinon tak chale vibrant Gujarat vaishvik shikhar sammelan, 2019 ke samaapan satr mein roopaani ne kaha ki is kaaryakram se pradhaanamantri Narendra Modi ka sapana saakaar hua hai kyonki kai bade nivesh ki ghoshana hui hai aur pratibaddhata jaahir ki gayi hai. Unhonne bataaya ki isse rojagaar ka srujan hoga. unhonne kaha, “aGujarat vishv ke liye (Bhaarat ka) pravesh dwaar aur har kisi ke liye ek aadarsh manch ban gaya hai. Sammelan kaarobaar evam vyaapaar ke saath-saath saamaajik utthaan ka manch bhi ban gaya hai. ” roopaani ne kaha, “a28,360 MOU par hastaakshar kiye gaye aur isse raajya mein 21 lakh rojagaar ka srujan hoga. ” unhonne kaha ki 2003 mein tatkaaleen mukhyamantri Narendra Modi dvaara har doosare saal vibrant Gujarat shikhar sammelan ke aayojan ke nirnaya ke baad raajya nivesh ke liye sabse pasandeeda sthaan ke roop mein ubhara hai. roopaani ne apne sambodhan mein kaha, “a2003 mein pehle shikhar sammelan mein adhik kaarobaari gharaanon ne hissa naheen liya. Nauvein sammelan mein pradhaanamantri ka sapana poori tarah saakaar hua. Yeh kaaryakram gyaan saajha karne aur network viksit karne ka aadarsh manch ban gaya hai. ” unhonne daava kiya ki sammelan se sookshm, laghu evam majhole udyogon (emaesaemai) ko vaishvik pratispardha ka avsar mila. Gujarat ke upamukhyamantri nitin Patel ne kaha ki kul 28,360 MOU par hastaakshar kiye gaye. Inmein se akele emaesaemai kshetr mein 21,889 samjhaute kiye gaye. sammelan ko safal karaar dete hue Patel ne kaha ki 42,000 se adhik raashtreeya aur antararaashtreeya pratinidhiyon ne hissa liya.


Achha Pradarshan Karne Vaale Kuchh Bank Ho Sakte Hain PCA-paabandi Se Baahar Rajiv Kumar

Achha Pradarshan Karne Vaale Kuchh Bank Ho Sakte Hain PCA-paabandi Se Baahar Rajiv Kumar

Business »

Nai Delhi Bhaarateeya reserve bank dvaara tvarit sudhaaraatmak kaarravaai (PCA) ke tahat rakhe gaye saarvajanik kshetr ke kuchh bankon ko agale maheene iske daayare se baahar kiya ja sakta hai. Ek adhikaari ne yeh baat kahi hai. Vitt mantraalaya ke ek sheersh adhikaari ne kaha ki vibhinn paimaanon par jin sarkaari bankon ka pradarshan behtar hoga unhein iske daayare se baahar kar diya jaaega. Kul 21 sarkaari bankon mein se 11 ko PCA ke tahat rakha gaya hai. Bankon ke fanse karj (NPA) ki samasya gahari hone aur vitteeya haalat kharaab hone ke chalte unako iske daayare mein rakh kar un par karj aadi dene par kai paabandiyaan laga di gayi hain. In bankon ke karj baantane par rok laga di gayi hai taaki unka NPA ghaata aur na badhe. Vitteeya seva sachiv Rajiv Kumar ne kaha, 'PCA ke daayare mein rakhe gaye 11 bankon mein se kuchh ka pradarshan behtar hua hai. Yadi kuchh bankon ka pradarshan behtar ho raha hai aur baasil niyamon ke anuroop unke paas paryaapt poonji hai. To poonji daalne se unhein PCA se baahar aane mein madad milegi. Bhaarateeya reserve bank is maamale par vichaar kar raha hai. ' Unhonne kaha ki is baat ki bahut sambhaavana hai ki sabhi ko naheen to kuchh bankon ko unke pradarshan ke aadhaar par PCA soochi se hataaya diya jaae. Sarkaar ne haal mein saat sarkaari bankon ko 28,615 karod rupaye ki atirikt poonji dene ki ghoshana ki hai. Ismein se sabse adhik 10,086 karod rupaye bank of India ko mileinge. Uske baad oriental bank of Commerce ka number hai jise 5,500 karod rupaye diye ja rahe hain. Bank of Maharashtra , UCO bank aur United bank of India ko kramash: 4,498 karod Ru. 3,056 karod Ru. Aur 2,159 karod Ru. Mileinge. Kumar ne ummeed jataai ki jo bank abhi kaam naheen sudhaar par rahe hain, ve bhi apna kaam sudhaareinge. Unhein karj ki vasooli mein sudhaar, poonjeegat bachat, gair jaroori sampattiyon ko bechne jaise sabhi maanakon par apna pradarshan sudhaarana hoga. Unhein iska agenda diya ja chuka hai. PCA ke tahat rakhe gaye bankon mein Allahabad bank, United bank of India, corporation bank, IDBI bank, UCO bank, bank of India, central bank of India, Indian ovaseej bank ,oriyantal bank of kaamars tatha bank of Maharashtra shaamil hain.


Laabh Badhaane Ki Aage Ki Raah Mushkil Skoda India

Laabh Badhaane Ki Aage Ki Raah Mushkil Skoda India

Business »

Pune, 20 January (bhaasha) Bhaarat mein nivesh ki badi yojana ke saath taiyaar check ganaraajya ki car vinirmaata company skoda India ka kehna hai ki Bhaarat mein uske laabh ki sthiti filhaal 'Bahut theek' naheen hai aur aage ki raah bhi 'Kathin' hai. company ne desh mein 8,000 karod rupayeke nivesh ki yojana par kaarya shuroo kar diya hai. India 2.0 ke tahat isne Pune mein ek naya praudyogiki kendra shuroo kiya hai. company ne bataaya ki vah 'India 2.0' pariyojana ke tahat yeh nivesh karegi. Iska maksad skoda ki maatru company fauksavaigal samooh ki desh mein sthiti majaboot karna hai. Iske liye donon companiyaan emakyoobi e0 aaien dhaanche par nae utpaad pesh karegeen. Yeh platform bhaarateeya baajaar ki dashaaon ko dekhte hue khas tarah se viksit kiya gaya hai. March 2018 mein samaapt vitteeya varsh mein skoda auto India shuddh laabh 66.21 pratishat ghatkar 22.18 karod rupaye raha. Vitt varsh 2016-17 mein company ka shuddh laabh 65.65 karod rupaye tha. fauksavaigan samooh ke bhaarateeya kaarobaar ke pramukh guraprataap bopaarai ne kaha, '' hamaare saamane aane vaale kuchh saal kathinaai bhare hain. Company ke laabh ki sthiti utani theek naheen hai. Ham apne kaarobaar ko aur adhik prabhaavi tareeke se chalaane ke liye sarvashreshth prayaas kar rahe hain.


Pakistan Ne 2019 Mein 27 Arab Dollar Ke Niryaat Ka Lakshya Rakha

Pakistan Ne 2019 Mein 27 Arab Dollar Ke Niryaat Ka Lakshya Rakha

Business »

Karachi, 20 January (bhaasha) Pakistan ka niryaat 2019 mein badhkar 27 arab dollar pahunch jaane ka anumaan hai. Pakistan ke pradhaanamantri Imran Khan ke ek sheersh vitteeya salaahakaar ne yeh baat kahi. Imran Khan ki aguvaai waali sarkaar pichhle saal satta mein aane ke baad se badhti mahangaai, naye karon aur samagr aarthik tasveer ke chunauteepoorn aankadon ko lekar dabaavon ka saamana kar rahi hai. vaanijya, kapda aur audyogik utpaadan maamalon par Khan ke salaahakaar abdul Razzak Dawood ne kaha ki sarkaar ne is saal ke ant tak 27 arab dollar ke niryaat ka lakshya rakha hai. Dawood ne shanivaar ko ek kaaryakram ke dauraan kaha, “ais saal ham Pakistan se sabse adhik niryaat ka aankada chhoo leinge aur humne kareeb 27 arab dollar ke niryaat ka lakshya rakha hai. ”.


'Samay Par Bharein Jeeesati Return, Naheen To Chhin Sakti Hai E-ve Bill Ki Suvidha

'Samay Par Bharein Jeeesati Return, Naheen To Chhin Sakti Hai E-ve Bill Ki Suvidha

Business »

Nayi Delhi, 20 January (bhaasha) kya aapne maal evam sevaakar (jeeesati) panjeekaran karaaya hai? Kya aap E-ve bill ki suvidha ka laabh lete hain? Kya aap niyamit samay par apna jeeesati return daakhil karte hain? Yadi naheen, to sambhav hai ki saamaanon ki dhulaai ke liye E-ve bill jaari karne ki aapki suvidha chheen jaae. jeeesati pranaali ke liye soochana praudyogiki dhaancha upalabdh karaane waali company jeeesati network (jeeesateeen) ek aisi pranaali viksit kar rahi hai jo kaarobaaron ke jeeesati return daakhil naheen karne par najar rakhegi. aise mein yadi koi kaarobaari do return daur mein jeeesati return yaani chhah maheene tak koi jeeesati return daakhil naheen karta hai to pranaali use E-ve bill banaane se rok degi. ek adhikaari ne PTI-bhaasha ko yeh jaankaari di. adhikaari ne kaha, '' jald se jald nayi IT pranaali ko laaya jaaega jo chhah maah tak return daakhil naheen karne vaalon ko E-ve bill banaane ki suvidha se vanchit kar diya jaaega. Iske liye nae niyamon ko adhisoochit kiya jaaega. '' adhikaariyon ka maanana hai ki is pranaali se jeeesati ki chori rokane mein madad milegi. chaaloo vitt varsh ki April-December avadhi mein keindreeya kar adhikaariyon ne jeeesati chori ya niyam ullanghan ke 3,626 maamale paae hain jinmein kul 15,278.18 karod rupaye ki raashi shaamil hai. kar chori ko rokane ke liye hi ek April 2018 ko E-ve bill ki suvidha shuroo ki gayi thi. 50,000 rupaye se adhik ka saamaan ek raajya se doosare raajya mein bheje jaane ke liye E-ve bill ki suvidha ka upayog kiya ja sakta hai. Raajyon ke bheetar hi is seva ko shuroo karne ke liye 15 April se ise charanbaddh tareeke se laagoo kiya gaya.


Divaala Kaanoon Ke Tahat Karjadaar Se Pehle Gaarantar Ke Khilaaf Shuroo Ki Ja Sakti Hai Samaadhaan Ki Kaarravaai

Divaala Kaanoon Ke Tahat Karjadaar Se Pehle Gaarantar Ke Khilaaf Shuroo Ki Ja Sakti Hai Samaadhaan Ki Kaarravaai

Business »

Nayi Delhi, 20 January (bhaasha) raashtreeya company vidhi appealeeya nyaayaadhikran (enaseeelaeti) ne vyavastha di hai ki chook karne waali companiyon ko karj dene vaale sangathan mool karjadaaron ke khilaaf divaala kaanoon ke tahat rin samaadhaan ki kaarravaai karne se pehle corporate guaranty dene vaalon ke khilaaf kaarravaai shuroo kar sakte hain. appealeeya nyaayaadhikran ki teen sadasyeeya peeth ne apne faisale mein kaha hai ki corporate guaranty dene vaale bhi vitteeya rinadaata hain. peeth ne kaha, ''Hamaara nishkarsh hai ki corporate guaranty dene vaalon ke khilaaf corporate divaala niptaan prakriya shuroo karne se pehle mool karjadaaron ke khilaaf corporate divaala niptaan prakriya (seeaaiaarapi) shuroo karne ki jaroorat naheen hai. '' enaseeelaeti ke Chairman nyaayamoorti S J mukhopaadhyaaya ki aguvaai waali peeth ne kaha, '' vitteeya rindaataaon ke paas mool karjadaaron ke khilaaf kaarporet divaala samaadhaan kaarravaai (seeaaiaarapi) shuroo kiye bina bhi corporate guaranty dene vaalon par dhaara saat ke tahat seeaaiaarapi shuroo karne ka vikalp rahega. '' divaala evam shodhan akshamata sanhita (aaibeesi) ki dhaara saat ke tahat vitteeya rinadaata ke paas khud se ya anya vitteeya rinadaataaon ke saath milkar raashtreeya company vidhi nyaayaadhikran (enaseeelati) mein corporate karjadaar ke khilaaf divaala prakriya shuroo karne ka adhikaar hota hai.


Reliance Ne Bhugataan Ke Mudde Par Pariyojana Bhaageedaar Niko Risoseinj Se Alag Hone Ko Kaha

Reliance Ne Bhugataan Ke Mudde Par Pariyojana Bhaageedaar Niko Risoseinj Se Alag Hone Ko Kaha

Business »

Nayi Delhi, 20 January (bhaasha) Reliance industries ne KG-dee6 gas block mein apne bhaageedaar niko risorses se alag hone ko kaha hai. Bataaya gaya hai ki is pariyojana ke vikaas ke kharch mein niko ne apne hisse ka bhugataan karne mein chook ki hai. par Canada ki company is maamale ka niptaara madhyasthata adaalat se karna chaahati hai. Andhra pradesh ke tatavarti kshetr se kuchh doori par Bengal ki khaadi mein is gas block mein niko risorsesa10 pratishat ki hissedaar hai. Is hissedaari ko bechne ki koshish mein vah na to abhi safal naheen hui hai aur na hi pariyojana vikaas ke liye apne hisse ki poonji ka prabandh kar saki hai. KG-dee6 kshetr mein khoje gaye gas/tel ke aar-klastar, saitelaait klastar aur emaje vikaas pariyojana kshetron ke vikaas ke liye niko risorses ko paanch se chhah arab dollar ki raashi ka prabandh karna hai. pichhle hafte apne timaahi parinaamon mein Reliance ne kaha ki niko ne 'Nakad bhugataan' karne mein chook ki aur sanyukt parichaalan samjhaute ke praavadhaan anusaar is chook ke sambandh mein use notice jaari kiya ja chuka hai. Reliance ne kaha, ''Niko ne bhugataan chook ki avadhi mein bhugataan naheen kiya. Iske baad Reliance aur beepi ne apne hiton ko dekhte hue niko ko utpaadan saajhedaari samjhaute aur sanyukt parichaalan samjhaute se baahar hone ka notice jaari kiya. Is notice ke javaab mein niko ne madhyasthata adaalat ka notice bhej diya hai. '' niko ke alaava is gas block mein Reliance ki hissedaari 60 pratishat aur Britain ki beepi ki 30 pratishat hissedaari hai. Reliance is block ki sanchaalak hai. niko ne ek soochana mein kaha hai ki 17 December 2018 ko use sahayogiyon company se utpaadan saajhedaari samjhaute aur sanyukt parichaalan samjhaute se alag hone ka notice mila hai. Company ne kaha ki vah is maamale mein sabhi kaanooni vikalpon par vichaar kar rahi hai.


Niryaatakon Ke Banking Muddon Ke Hal Ko Sarkaar, Reserve Bank Hastakshep Karein Fiyo

Niryaatakon Ke Banking Muddon Ke Hal Ko Sarkaar, Reserve Bank Hastakshep Karein Fiyo

Business »

Nayi Delhi, 20 January (bhaasha) niryaatakon ke sangathan federation of Indian eksaport aargenaaijeshan (fiyo) ne niryaatakon ke muddon ke hal ke liye sarkaar aur bhaarateeya reserve bank se hastakshep ka aagrah kiya hai. Niryaatakon ke sangathan ka kehna hai ki Iran ke bhugataan tantr se sambandhit mudde ko jald sulajhaaya jaana chaahiye aur rin ka pravaah badhaaya jaana chaahiye taaki niryaat ko badhaava diya ja sake. fiyo ke adhyaksh ganesh Kumar gupta ne kaha ki Iran ko rupaye mein bhugataan vyavastha ke tahat aane vaale utpaadon par sthiti spasht ki jaani chaahiye. gupta ne 'PTI-bhaasha' se kaha, ''Niryaatakon ne bataaya hai ki UCO bank ki shaakhaaen un utpaadon ko lekar spasht naheen hain, jinka niryaat is vyavastha ke tahat kiya ja sakta hai. Mukhya samasya engineering aur rasaayan utpaadon ko lekar hai. '' unhonne kaha ki vyaapaar ki samajh yeh hai ki yadi utpaad ka antim istemaal pratibandhit soochi mein naheen hai ya niryaat Iran sarkaar ke liye naheen hai, to rupaye mein vyaapaar vyavastha ke tahat iske niryaat ki anumati honi chaahiye. unhonne kaha ki is par cheejein spasht hone se niryaatakon ko aardar lene mein aasaani hoga aur Iran ko hamaare niryaat mein ullekhaneeya ijaafa hoga. unhonne kaha ki yadi madhya Asia ko niryaat ke liye Iran ke bandar Abbas ka jikr traanjit bandargaah ke roop mein kiya jaata hai to bank niryaatakon ke dastaavejon ki dekharekh se hichkichaate hain. gupta ne kaha ki isse aaienaesateesi ke jariye maal ki aavaajaahi prabhaavit hoti hai jise sarkaar vaikalpik maarg ke roop mein protsaahit kar rahi hai jisse samay aur laagat ki bachat hoti hai. Fiyo ne ummeed jataai hai ki vitt mantraalaya jald bainkaron aur niryaatakon ki baithak bulaaega jisse in chintaaon ko door kiya ja sake.


Bajat 2019 Reeyal Estate Kshetr Ki Karon Mein Sudhaar Ki Maang

Bajat 2019 Reeyal Estate Kshetr Ki Karon Mein Sudhaar Ki Maang

Business »

Nai Delhi, 20 January (bhaasha) ghareloo arthavyavastha mein kareeb chhah pratishat ka yogadaan karne vaale reeyal estate kshetr ne sarkaar se bajat-2019 mein karon mein sudhaar, staamp shulk ko jeeesati mein samaahit karne tatha makaan khareedne vaalon dvaara gruh rin par chukaae gaye byaaj par kar katauti ki seema badhaane ki sifaarish ki hai. is kshetr ki ikaaiyaan ka kehna hai ki is kshetr par laagoo hone vaale karon ko tarkasangat banaana unke kaarobaar ki drushti se 'Bahut mahatvapoorn hai' aur iske saath saath bajat mein kifaayati dar ki aavaas pariyojanaaon ko aur protsaahan diya jaana chaahiye. Reeyal estate kshetr ke sangathan naaredako ke adhyaksh niranjan heeraanandaani ne vyaktigat aayakar mein aavaas rin par byaaj ki katauti ko saalaana teen lakh rupaye tak ki jaae. Abhi aavaas rin par chukaae gaye do lakh rupae tak ke byaaj ki katauti ka laabh milta hai. unhonne ek ek bayaan mein kaha ki reeyal estate udyog bajat mein karon ko tarkasangat banaane ki ummeed kar raha hai. Is samay udyog ke liye yeh sabse mahatvapoorn hai aur isse poori arthavyavastha mein teji aaegi. Unhonne kaha, ' main bajat se yeh bhi ummeed karta hoon ki ismein stainp shulk ko jeeesati ke ghere mein laaya jaega, kiraayedari ki praapti par nirmana saamagri par chukaae gaye karon ka laabh (ITC) ka praavadhaan kiya jaaega aur 2022 tak sabko aavaas ke lakshya ke liye kiraae ke maakanon ki pariyojanaaon ko protsaahan diya jaaega. '' heeraanandaani ne kaha ki sirf karaadhaan kam karna hi jaroori naheen hai, balki karon ko tarkasangat banaane se ek anukool aur sakaaraatmak maahaul banega, jisse arthavyavastha mein kaarobaar ke nae avsar paida honge. suparatek li. Ke Chairman aar ke aroda ne kaha ki bhaarateeya reeyal estate kshetr arthavyavastha ke sabse mahatvapoorn kshetron mein se ek hai. 2017 mein sakal ghareloo utpaad mein is kshetr ka yogadaan 6.7 pratishat tha. 2025 tak iske 13 pratishat par pahunchane ka anumaan hai. aroda ne kaha ki Bhaarat ki aajaadi ki 75veen varshagaanth yaani 2022 tak sabhi ke liye aavaas ke lakshyon ko poora karne ke liye sarkaar pichhle kuchh saal se is kshetr par vishesh dhyaan de rahi hai, lekin is disha mein abhi bahut prayaas karne baaki hain. Jahaan ek or jeeesati ke chalte reeyal estate kshetr mein kai tarah ke karon tatha jatiltaaon mein kami I hai, lekin staamp shulk abhi bana hua. Ise hataaya jaana chaahiye. tyoolip infraatek ke Chairman evam prabandh nideshak praveen jain ne kaha ki bajat se is kshetr ko kaafi ummeedein hain. Jain ne kaha ki kuchh pragatisheel kadamon ke kriyaanvayan se logon ki nivesh aur khareed kshamata badhegi. Iske alaava sarkaar ko saste makaanon ke kshetr ko protsaahan ke kadam uthaane chaahiye.


Fauundari Udyog Ko Agale Paanch Saal Mein Doguni Vruddhi Ki Ummeed

Fauundari Udyog Ko Agale Paanch Saal Mein Doguni Vruddhi Ki Ummeed

Business »

Nayi Delhi, 20 January (bhaasha) fauundari udyog ko ummeed hai ki raksha, rel, eyarospes jaise kshetron ko niji kshetr ke liye kholne aur in kshetron mein pratyaksh videshi nivesh ki anumati diye jaane se agale paanch saal mein usaki vruddhi doguni ho jaaegi. Udyog se jude ek sangathan ne yeh jaankaari di. Indian fauundari Congress ke 67vein vaarshik adhiveshan ke samaapan ke mauke par Institute of Indian fauundari ke raashtreeya adhyaksh shashi Kumar jain ne ravivaar ek bayaan mein kaha hai ki ''Aagaami paanch saal mein is kshetr mein teen lakh aur logon ko rojagaar milne ki sambhaavana hai. '' bayaan ke anusaar is samay fauundari udyog mein paanch lakh logon ko pratyaksh tatha do lakh logon ko apratyaksh roop se rojagaar mila hai. Institute of Indian fauundari ke anusaar is udyog ne varsh 2016 -17 mein 1.138 karod tan ka audyogik utpaadan kiya tha jo varsh 2017 -18 mein chhah pratishat badhkar 1.205 karod tan ho gaya. Jain ke mutaabik 2021 mein audyogik utpaadan 1.5 karod tan aur varsh 2025 tak do karod tan ke star tak pahunch jaaega. jain ke mutaabik Bhaarat ka fauundari udyog cheen ke baad doosare sthaan par hai.


Seetaaraman Ne Tamil Nadu Raksha Audyogik Galiyaare Ka Udghaatan Kiya, 3,038 Karod Rupaye Ka Nivesh Mila

Seetaaraman Ne Tamil Nadu Raksha Audyogik Galiyaare Ka Udghaatan Kiya, 3,038 Karod Rupaye Ka Nivesh Mila

Business »

Tiruchiraapalli, 20 January (bhaasha) desh mein raksha utpaadan ko badhaava dene ke liye ek kadam aur aage badhaate hue raksha mantri nirmala seetaaraman ne ravivaar ko Tamil Nadu raksha saajosaamaan vinirmaan ikaaiyon ke liye audyogik galiyaare ka udghaatan kiya. udghaatan ke dauraan is raksha galiyaare mein 3,038 karod rupaye ke nivesh ki ghoshana ki gayi hai. Ismein se jyaadaatar nivesh saarvajanik kshetr upakramon se aaega. Aayudh kaarkhaana board, Bhaarat electronics li. Aur Bhaarat daayanaamiks li. Ne is galiyaare mein kramash: 2,305 karod rupaye, 140.5 karod rupaye aur 150 karod rupaye ka nivesh karne ki pratibaddhata jataai hai. niji kshetr ki companiyaan TVS, data paitarns aur alfa design kramash: 50 karod, 75 karod aur 100 karod rupaye ka nivesh kareingi. Vaishvik suraksha kshetr ki diggaj company laukaheed Martin ne bhi is galiyaare mein nivesh ki mansha jataai hai. seetaaraman ne kaha ki isko lekar sthaaneeya udyog ki pratikriya kaafi utsaahanak rahi hai. 'Ve to yahaan tak chaahate the ki is galiyaare ka vistaar palakkad tak kiya jaae, lekin humne unase kaha hai ki abhi yeh sirf shaharon tak keindrit rahega. '' Tamil Nadu raksha audyogik galiyaare ko Tamil Nadu raksha utpaadan chaturbhuj bhi kaha jaata hai. Ismein nodal shahar chartubhuj banaate hain. In shaharon mein chennai, hosur, saalem, Coimbatore aur tiruchiraapalli aate hain. raksha audyogik galiyaara banaane ka uddeshya raksha audyogik ikaaiyon ke beech sampark sunishchit karna hai. vitt mantri Arun Jaitley ne pichhle saal apne bajat bhaashan mein do raksha audyogik utpaadan galiyaare sthaapit karne ki ghoshana ki thi. Sarkaar ne uttar pradesh aur Tamil Nadu mein galiyaara banaane ka lakshya rakha tha. tiruchiraapalli mein ravivaar ko hui baithak mein 500 se adhik udyog pratinidhi shaamil hue. Is kaaryakram mein Tamil Nadu sarkaar ke kai mantri aur adhikaari, raksha mantraalaya ke varishth adhikaari aur raksha kshetr ke saarvajanik upakramon ke kaaryakaari shaamil hue. pichhle saal 11 August ko uttar pradesh raksha audyogik galiyaare ki shuruaat Aligadh se hui thi. Iske tahat raksha utpaadan mein 3,732 karod rupaye ka nivesh karne ki ghoshana ki gayi thi.


Chhattisgarh Vaatarashed Pariyojana Se Chhote Kisaanon Ki Aay Behtar Karne Ka Daava

Chhattisgarh Vaatarashed Pariyojana Se Chhote Kisaanon Ki Aay Behtar Karne Ka Daava

Business »

Nayi Delhi, 20 January (bhaasha) paaristhitiki se jude kaam karne se hone vaale aarthik laabh ko dhyaan mein rakhate hue pradaan ne Chhattisgarh sarkaar ke saath milkar raajya mein ek vaatarashed pariyojana shuroo ki hai. pradaan, laabh kamaane ke liye kaam naheen karne waali ek gair-sarkaari sanstha hai. Is vaatarashed pariyojana ke maadhyam se usaki yojana raajya ke ek lakh se adhik chhote aur seemaant kisaanon ki aay behtar karna hai. Ismein se kareeb 40 pratishat kisaan anusoochit janajaati se aate hain. vaatarashed pariyojana mein kai saari dhaaraaon ke paani ko bhoomi mein ek jagah laakar ikattha kiya jaata hai. Iske liye gaddhe ityaadi banaae jaate hain jahaan paani jama hota hai. Is pariyojana ka mukhya maksad bhoojal ke star ko badhaana hota hai. pradaan ke anusaar is pariyojana se raajya ke 76 pratishat parivaaron ko jahaan saalabhar ki khaadya suraksha milegi. Vaheen unki saalaana aay mein 15,000 se 25,000 tak ki vruddhi hogi. is pariyojana ke tahat 13 naagrik sangathanon ka ek samooh raajya ke 12 jilon ke 26 blaukon mein bhoomi aur jal sanchaya ki behatari ke kaam ko anjaam dega. Isse 3,50,000 hekteyar bhoomi ki upajaaoo kshamata badhegi. is pariyojana ko Chhattisgarh sarkaar ke alaava Bhaarat graameen aajeevika foundation aur eksis bank foundation ke saath milkar shuroo kiya gaya hai.


Aimajaun, Flipkaart Ki Sel, Jaanein Kya Hai Khaas

Aimajaun, Flipkaart Ki Sel, Jaanein Kya Hai Khaas

Business »

.


Duniya Ki Sabse Badi Arthavyavastha Ranking Mein Britain Ko Peechhe Chhod Sakta Hai Bhaarat Peedablyoosi

Duniya Ki Sabse Badi Arthavyavastha Ranking Mein Britain Ko Peechhe Chhod Sakta Hai Bhaarat Peedablyoosi

Business »

Nayi Delhi, 20 January (bhaasha) Bhaarat 2019 mein duniya ki sabse badi arthavyavasthaaon ki soochi mein Britain ko peechhe chhod sakta hai. Vaishvik salaahakaar company peedablyoosi ki ek report mein yeh anumaan lagaaya gaya hai. report mein kaha gaya hai ki ek hi star ke vikaas aur kamobesh samaan aabaadi ki vajah se is soochi mein Britain aur France aage peechhe hote rahate hain. Lekin yadi Bhaarat is soochi mein aage niklata hai to usaka sthaan sthaayi rahega. peedablyoosi ki vaishvik arthavyavastha nigraani report mein anumaan lagaaya gaya hai ki 2019 mein Britain ki vaastavik sakal ghareloo utpaad (GDP) ki vruddhi dar 1.6 pratishat, France ki 1.7 pratishat tatha Bhaarat ki 7.6 pratishat rahegi. report mein kaha gaya hai ki Bhaarat aur France 2019 mein Britain ko peechhe chhod deinge. Isse vaishvik ranking mein Britain paanchavein sthaan se fislakar saatavein paayadaan par pahunch jaaega. vishv bank ke aankadon ke anusaar 2017 mein France ko peechhe chhodkar Bhaarat duniya ki chhathi sabse badi arthavyavastha ban gaya. Jald Bhaarat ke Britain ko peechhe chhodne ki ummeed hai jo paanchavein sthaan par hai. peedablyoosi vaishvik arthavyavastha nigraani report ek laghu prakaashan hai jo vaishvik arthavyavastha ke rukh aur mudde par gaur karta hai. Saath hi yeh duniya ki pramukh arthavyavasthaaon par taaja anumaan prakaashit karta hai. peedablyoosi India ke bhaageedaar evam leedar (lok vitt tatha arthashaastr) raanen Bannerjee ne kaha ki yadi koi badi adchan naheen aati hai to 2019-20 mein Bhaarat 7.6 pratishat ki majaboot vruddhi ki or lautega. peedablyoosi ke varishth arthashaastri Mike jaikamain ne kaha ki Bhaarat duniya ki sabse teji se badhti badi arthavyavastha hai. Badi aabaadi, anukool janasaankhyikeeya tatha prati vyakti GDP ke nichle star ki vajah se usaki teji se pakadne ki kshamata bhi adhik hai. peedablyoosi ki report mein kaha gaya hai ki vaishvik arthavyavastha ki vruddhi 2019 mein sust rahegi. Report mein kaha gaya hai ki duniya ki pramukh arthavyavasthaaon ki vruddhi dar ne 2016 ke ant tatha 2018 ke shuroo mein jo raftaar pakadi thi ab vah poori ho chuki hai. vishv bank ke aankadon ke anusaar 2017 mein Bhaarat 2,590 arab dollar ke baraabar ke GDP ke saath duniya ki chhathi sabse badi arthavyavastha ban gaya tha. Uske France ko peechhe chhoda tha. France ka GDP 2,580 arab dollar tha.


Seetaaraman Ne Tamil Nadu Raksha Audyogik Galiyaare Ka Udghaatan Kiya

Seetaaraman Ne Tamil Nadu Raksha Audyogik Galiyaare Ka Udghaatan Kiya

Business »

Tiruchiraapalli, 20 January (bhaasha) desh mein raksha utpaadan ko badhaava dene ke liye ek kadam aur aage badhaate hue raksha mantri nirmala seetaaraman ne ravivaar ko Tamil Nadu raksha saajosaamaan vinirmaan ikaaiyon ke liye audyogik galiyaare ka udghaatan kiya. seetaaraman ne kaha ki isko lekar sthaaneeya udyog ki pratikriya kaafi utsaahanak rahi hai. 'Ve to yahaan tak chaahate the ki is galiyaare ka vistaar palakkad tak kiya jaae, lekin humne unase kaha hai ki abhi yeh sirf shaharon tak keindrit rahega. '' Tamil Nadu raksha audyogik galiyaare ko Tamil Nadu raksha utpaadan chaturbhuj bhi kaha jaata hai. Ismein nodal shahar chartubhuj banaate hain. In shaharon mein chennai, hosur, saalem, Coimbatore aur tiruchiraapalli aate hain. raksha audyogik galiyaara banaane ka uddeshya raksha audyogik ikaaiyon ke beech sampark sunishchit karna hai. vitt mantri Arun Jaitley ne pichhle saal apne bajat bhaashan mein do raksha audyogik utpaadan galiyaare sthaapit karne ki ghoshana ki thi. Sarkaar ne uttar pradesh aur Tamil Nadu mein galiyaara banaane ka lakshya rakha tha. pichhle saal 11 August ko uttar pradesh raksha audyogik galiyaare ki shuruaat Aligadh se hui thi. Iske tahat raksha utpaadan mein 3,732 karod rupaye ka nivesh karne ki ghoshana ki gayi thi.


Aaraaaienael Ke Raayabareli Sanyantr Jald Shuroo Hoga Pahiye Ki Forjing Ka Kaam

Aaraaaienael Ke Raayabareli Sanyantr Jald Shuroo Hoga Pahiye Ki Forjing Ka Kaam

Business »

Nayi Delhi, 20 January (bhaasha) raashtreeya ispaat nigam limited (aaraaaienael) ke raayabareli sanyantr mein jald hi pahiyon ki forjing ka kaam shuroo ho jaaega. Keindreeya ispaat mantri chaudhari Virendra Singh ne iske September 2019 se shuroo hone ki sambhaavana jataayi hai. ispaat mantraalaya ke ek adhikaari ke anusaar forj kiye hue pahiyon utpaadan September 2019 se shuroo ho sakta hai. ullekhaneeya hai ki pehle pahiye ko dhaala jaata (Caste) hai. Uske baad usaki pitaai (forjing) ki jaati hai taaki use thos aur majaboot banaaya ja sake. Uske baad pahiyon ki ghisaai kar use aakaar diya jaata hai. Singh ne kaha, '' uttar pradesh ke raayabareli mein sthit aaraaaienael ke sanyantr mein adhiktam ek se dedh maheene mein utpaadan shuroo ho jaaega. '' yeh sanyantr saalaana ek lakh forj pahiyon ka nirmaan karne ki kshamata rakhata hai. Adhikaari ne kaha ki ise badhaakar do lakh ikaai prativrsh kiya jaana hai.


11,000 Karod Rupaye Ki Koyala Pariyojanaaon Mein Deri

11,000 Karod Rupaye Ki Koyala Pariyojanaaon Mein Deri

Business »

Nayi Delhi, 20 January (bhaasha) desh mein kareeb 11,000 karod rupaye ki koyala pariyojanaaen deri mein chal rahi hain. Isse chintit kendra sarkaar ne kol India tatha enaelasi India li. Se iski vajah pata lagaane aur report dene ko kaha hai. Ek adhikaari ne yeh jaankaari di. haal mein 35,000 karod rupaye ki pariyojanaaon ki sameeksha baithak mein yeh mudda utha. Yeh baithak aise samay hui hai jabki desh mein badi maatra mein koyale ka aayaat ho raha hai. koyala mantraalaya ke ek adhikaari ne kaha, ''Haal mein 500 karod rupaye se aur 30 lakh tan se adhik ki koyala pariyojanaaon ki sameeksha baithak mein koyala sachiv sumant chaudhari ne kol India tatha enaelasi India se is deri ki vajah pata lagaane aur ek apavaad report dene ko kaha hai. '' apavaad report vah dastaavej hota hai jismein vaastavitk pradarshan ke ummeed se kam rahane ke kaaran bataae jaate hain. sameeksha baithak mein kol India li. Ki 51 pariyojanaaon ki pragati ki sameeksha hui. Desh ke koyala utpaadan mein kol India ki 80 pratishat hissedaari hai. Iske alaava enaelaseeaai (poorv mein neveli lignaait kauraporeshan) ki nau tatha singareni koliyreej company (esaseeseeel) ki do pariyojanaaon ki sameeksha ki gayi. adhikaari ne bataaya ki inmein se 21 pariyojanaaon mein atyadhik deri hui hai. Inmein se chaar pariyojanaaen kol India ki tatha chaar enaelaseeaaiel ki hain. koyala pariyojanaaon mein deri aise samay ho rahi hai jabki 2018 mein bijli kshetr ki koyale ki maang aapoorti se adhik rahi hai. Haal ke barso mein Bhaarat saalaana aadhaar par 20 karod tan koyale ka aayaat kar raha hai.


Bihar Mein Atyaadhunik Dudh Prasanskaran Ikaai Shuroo

Bihar Mein Atyaadhunik Dudh Prasanskaran Ikaai Shuroo

Business »

Moteehaari, 20 January (bhaasha) keindreeya krushi mantri raadha mohan Singh aur Bihar ke upamukhyamantri susheel Kumar Modi ne poorvi Champaran jile mein shanivaar ko ek atyaadhunik dugdh prasanskaran sanyantr ka udghaatan kiya. Is sanyantr ko shuroo karne ka uddeshya kisaanon ko uchit aur pratispardhi moolya upalabdh karaana hai. madar dairy ki yeh naya sanyantr raajya mein pehli ikaai hai. Yeh sanyantr jile ke kotava block ke math banavaari gaanv mein 4.5 ekad kshetr mein faisala hai. Iski pratidin dudh prasanskaran kshamata ek lakh liter ki hai. Singh ne sanyantr ka udghaatan karne ke baad kaha ki madar dairy ke sanyantr ko doodh ki aapoorti karne vaale kisaanon ko anya sthaanon ki tulana mein behtar keemat milegi. unhonne kaha ki kendra ki Narendra Modi sarkaar seemaant kisaanon ke vikaas ke liye kaam karne ko pratibaddh hai. Singh ne kaha ki Modi sarkaar mein vikaas pariyojanaaon ki raftaar tej hui hai. Unhonne kaha ki kendra sarkaar gareebon ko muft LPG kanekshan aur svaasthya beema ki suvidha upalabdh kara rahi hai. is mauke par Bihar ke upamukhyamantri susheel Kumar Modi ne bataaya ki is sanyantr ke nirmaan par 15 karod rupaye kharch hue hain. Unhonne kaha ki is sanyantr ke sthaaneeya kisaanon ki aarthik samruddhi ka raasta khulega.


Kabhi Nayi Naveli Delhi Mein Cycle Chalaane Waali Sheela Ne Badli Thi Rajdhani Ki Tasveer

Kabhi Nayi Naveli Delhi Mein Cycle Chalaane Waali Sheela Ne Badli Thi Rajdhani Ki Tasveer

Business »

Nayi Delhi, 20 January : Bhaasha: Svatantr Bhaarat ki raajaneeti mein kai chehare aise hain, jinhonne kabhi sooraj ki tarah raushani bikheri to kabhi haalaat ke gardish ke saae mein chhip gaye. Inheen logon mein ek naam sheela Dixit ka bhi hai. Punjab ke kapoorathala mein Krishna Kapoor aur svarn lata ke yahaan 31 March 1938 ko janmeen sheela ne Delhi ke kaanveint of jeesas end mairi school se shiksha grahan karne ke baad miraanda house kaalej se snaatak aur snaatakottar ki padhaai ki. Padhaai ke dauraan hi unka prasiddh svatantrata senaani tatha poorv raajyapaal evam kendreeya mantri rahe uma shankar Dixit ke putr vinod Dixit se parichay hua aur niyti ne unhein raajaneeti ka raasta dikha diya. sheela ke pita sarkaari naukri mein the aur Delhi ke lodhi estate ilaake mein sarkaari aavaas mein rahate the. Sheela ne apni kitaab 'Siteejan delhi, maai times maai life' mein likha hai ki vah un dinon nayi naveli lutiyans Delhi mein hare bhare pedon ki kataaron ke saamane se cycle chalaate hue gujarati theen aur us samay unhonne socha tak naheen tha ki ek din aisa bhi aaega ki unki rahanumaai mein Delhi ki tasveer badal jaaegi. lagaataar teen baar Delhi ka mukhyamantri pad sambhaalne waali sheela Dixit 'Metro', 'CNG' aur rajdhani ki hariyaali ko apni sabse badi upalabdhi maanati hain. Unka maanana hai ki ek samay Delhi aur iske logon ke jeevan star ko achha naheen maana jaata tha aur log Mumbai aur Calcutta ko aadhunik shaharon mein ginte the, lekin dheere dheere yeh dhaarana badal gayi aur Delhi bhi aadhunik shaharon mein shumaar ho gayi. apne donon bachchon sandeep aur latika ke liye sheela Dixit ek sakht maan rahi. Beti latika ne bataaya ki koi galati karne par maan unhein 'Bathroom' mein band kar diya karti theen. Latika ne bataaya ki unki maan ne padhaai aur pareeksha mein behtar karne ke liye kabhi dabaav naheen banaaya, lekin tameej aur tahajeeb mein hamesha avval rahane par jor diya. sangeet ki shaukeen aur shaaharookh Khan ki film 'Dilvaale dulhaniya le jaaenge' ko naamaaloom kitni baar dekhne waali sheela Dixit ne ek interview ke dauraan pichhle chhah dashak mein aae badlaav ka jikr karte hue ek vaakaya sunaaya. Unhonne bataaya ki 15 baras ki umr mein ek din vah pradhaanamantri javaaharalaal Nehru se milne apne ghar se paidal hi 'Teen moorti bhavan' pahunch gain. Darabaan ne 'Panditji' se milne ki baat sunakar gate khol diya, lekin pandit Nehru apni car mein kaheen ja rahe the, lihaaja sheela ne apna haath hila diya aur javaab mein unhonne bhi haath hilaakar javaab diya. yeh bhi ittafaak hai ki ek din 'Pandit ji' se milne pahunchi sheela Kapoor ne sheela Dixit ke taur par Jawahar laal Nehru ke naati ki sarkaar mein jagah banaai. Indira Gandhi ki hatya ke baad jab desh mein Rajiv Gandhi ke netrutv mein Congress ki sarkaar bani to unhonne sheela Dixit ko apne mantrimandal mein jagah di. iske baad tamaam raajaneetik utaar chadhaavon ke beech sheela Congress ki ek majaboot stambh bani raheen. Isi ka nateeja tha ki 1998 mein Sonia Gandhi ne unhein Delhi pradesh Congress ka adhyaksh banaaya aur unke netrutv mein Congress ne Delhi mein teen baar sarkaar banaai. 2013 ke chunaav mein party ki haar ke baad sheela Delhi ki raajaneeti ka chehara naheen raheen aur agale paanch saal kabhi kabhaar hi surkhiyon ka hissa bani, lekin 80 baras ki umr mein unke raajaneetik sitaare ek baar fir chamake hain aur desh ki sabse puraani party ki sabse puraani netaaon mein se ek sheela ko ek baar fir Delhi ki kamaan saunpi gayi hai.


Kiya Motors Ke Pehle Model Ka Pareekshan Utpaadan Isi Maheene Se

Kiya Motors Ke Pehle Model Ka Pareekshan Utpaadan Isi Maheene Se

Business »

Nayi Delhi, 20 January (bhaasha) kiya motors India ko ummeed hai ki uske pehle model SUV SP kaunsept ka pareekshan utpaadan Andhra pradesh ke sanyantr mein isi maheene shuroo ho jaaega. Company ke ek adhikaari ne kaha ki ham is vaahan ko 2019 ke madhya mein Bhaarat mein utaarane ki ummeed kar rahe hain. dakshin Korea ki kiya motors ki anushangi apne vinirmaan sanyantr ko shuroo karne ke antim charan mein hai. Is sanyantr ki saalaana sthaapit kshamata teen lakh vaahanon ki hogi. apne aagaami model ke liye company akhil bhaarateeya star par bikri network sthaapit karne ki prakriya mein bhi hai. kiya motors India ke pramukh (vipnan evam bikri) manohar bhat ne PTI bhaasha se kaha, ''Hamein ummeed hai ki yeh sanyantr jald poorn roop se parichaalan mein aa jaaega. Iski saalaana sthaapit kshamata teen lakh ikaai ki hogi. Hamaare pehle model esapee2aai kaaron ka pareekshan utpaadan January ant tak shuroo hone ki ummeed hai. Bhaarateeya baajaar mein ham yahi model sabse pehle utaareinge. '' company ka iraada is SUV ki bikri is saal ke madhya tak shuroo karne ka hai. Pichhle saal auto expo mein is model ko pehli baar pradarshit kiya gaya tha. Abhi is model ka bhaarateeya paristhitiyon ke hisaab se pareekshan kiya ja raha hai. company ka lakshya pratyek chhah maheene mein ek model pesh karne ka hai. Company Andhra pradesh ke anantapur kaarkhaane mein ek arab dollar ka nivesh kar rahi hai. Yeh vaishvik star par kiya motors ka 15vaan kaarkhaana hoga. bikri network ke baare mein bhat ne kaha ki hamaara lakshya akhil bhaarateeya network ka hai. Ismein bade shaharon ke alaava chhote shahar bhi shaamil honge.


Kumbh Se 1200 Arab Rupaye Ki Aamdani Ka Anumaan CII

Kumbh Se 1200 Arab Rupaye Ki Aamdani Ka Anumaan CII

Business »

Lucknow, 20 January (bhaasha) prayaagaraaj mein sangam ki reti par base aastha ke Kumbh se uttar pradesh sarkaar ko 1,200 arab rupaye ka raajasv milne ki ummeed hai. Udyog mandal bhaarateeya udyog parisangh (CII) ne yeh anumaan lagaaya hai. CII ki ek report ke mutaabik 15 January se 4 March tak aayojit hone wala Kumbh mela haalaanki dhaarmik aur aadhyaatmik aayojan hai magar iske aayojan se jude kaaryon mein chhah lakh se jyaada kaamagaaron ke liye rojagaar utpann ho raha hai. Uttar pradesh sarkaar ne 50 din tak chalne vaale Kumbh mele ke liye aayojan ke liye 4,200 karod rupaye aavantit kiye hain jo varsh 2013 mein aayojit Mahakumbh ke bajat ka teen guna hai. CII ke adhyayan ke mutaabik Kumbh mela kshetr mein aatithya kshetr mein kareeb dhaai lakh logon ko rojagaar milega. Iske alaava airlines aur havaai addon ke aaspaas se kareeb dedh lakh logon ko roji-roti milegi. Vaheen, kareeb 45,000 tour oparetaron ko bhi rojagaar milega. Saath hi iko toorijm aur medical toorijm kshetron mein bhi lagbhag 85,000 rojagaar ke avsar baneinge. Report ke mutaabik iske alaava tour guide taxi chaalak dvibhaashiye aur svayansevakon ke taur par rojagaar ke 55 hajaar nae avsar bhi srujit honge. Isse sarkaari agencyon tatha vaiyaktik kaarobaariyon ki aay badhegi. CII ke anumaan ke mutaabik Kumbh mele se uttar pradesh ko kareeb 12 sau arab rupaye ka raajasv milega. Iske alaava pados ke raajyon Rajasthan, uttaraakhand, Punjab aur Himachal pradesh ko bhi iska faayda hoga. Aisa isliye hai kyonki Kumbh mein shaamil hone vaale paryatak in raajyon ke paryatan sthalon par bhi ja sakte hain. Kumbh mele mein kareeb 15 karod logon ke aane ki sambhaavana hai. Duniya ka yeh sabse bada dhaarmik aayojan poori duniya mein apni aadhyaatmikta aur vilkshanata ke liye prasiddh hai.


April-December Mein Koyala Aayaat 6.7 Pratishat Badhkar 17.18 Karod Tan

April-December Mein Koyala Aayaat 6.7 Pratishat Badhkar 17.18 Karod Tan

Business »

Nayi Delhi, 20 January (bhaasha) chaaloo vitt varsh ki April-December avadhi mein desh ka koyala aayaat 6.7 pratishat badhkar 17.18 karod tan ho gaya. Vitt varsh 2017-18 ki isi avadhi mein yeh aankada 16.1 karod tan tha. yeh aise samay hua hai jab sarkaar kol India dvaara ek arab tan koyala utpaadan ke lakshya ko paane ki samayaseema mein dheel dene par vichaar kar rahi hai. emajankshan services ki report ke anusaar December mein koyala ka aayaat 8.09 pratishat ghatkar 1.72 karod tan raha hai jo pichhle vitt varsh ki samaan avadhi mein 1.87 karod tan tha. emajankshan, tata steel aur sel ka sanyukt upakram hai. Yeh kaarobaar se kaarobaar (bee2bee) ka ek E-vaanijya manch hai. Saath hi yeh koyala aur ispaat kshetr se judi shodh rapat bhi prakaashit karta hai. emajankshan ke prabandh nideshak aur mukhya kaaryakaari adhikaari vinaya varma ne koyala aayaat ke is rukh par kaha ki aayaatit koyale ki maang kuchh had tak kam hui hai. Iski aham vajah ghareloo utpaadakon ki or bijli sanyantron ko aapoorti badhna hai. unhonne kaha ki bijli kshetr mein koyala bhandaaran ki sthiti behtar hui hai aur chauthi timaahi mein utpaadan bhi badh raha hai. Aise mein aayaatit koyale ki maang pichhle maheenon ki tulana mein kam rahane ka anumaan hai. December 2018 mein gair-kok koyale ka aayaat 1.25 karod tan raha jo November 2018 mein 1.30 karod tan tha. isi tarah koking koyale ka aayaat December 2018 mein 37.2 lakh tan raha jo November mein 37.5 lakh tan tha.